Nutiziale culturale

A seconda edizione di Festibocca i 25 è 26 d’aprile 2026 in Bunifaziu

Pruduttori lucali, artigiani è capicucinari si ritrovanu durante dui ghjorni pè celebrà u gustu è a robba bona, a so diversità, a creatività è u dinamismu di a gastronumia attuale. 

Quist’annu, u festivale hè dinu membru di a Federazione di e Fiere Rurale, Agricule è Artigianale di Corsica.

U presidente di st’edizione hè u famosu Pierre Hermé è u cumpare hè u capicucinaru Emmanuel Renaut. Durante st’evenimentu, participeranu altri famosi capicucinari: Mercotte, Noémie Honiat, Quentin Bourdy, Jean-François Têtedoie, Philippe Bernachon, Vincent Guerlais, Nadia Sammut, Christophe Marguin, Yann Couvreur, Merouan Bounekraf, Christophe Renou, Aziz Mokhtari et Maxence Baruffaldi. 

U festivale Festibocca si scumparte in sfarenti spazii:

• Da Cumprà sott’à capitellu, puderete spassighjà in u grande mercatu di pruduttori è artigiani corsi : casgi, olii, vini ma dinù ceramiche è altre creazione… 

• Da Manghjà - in chjesa San Dumenicu è davant’à u spaziu San Ghjacumu : trà foodtruck è panconi di robba savurita, tasterete e specialità lucale.

• Da Manghjà à a Loghja di l’Arsanale : in core di u festivale, i capicucinari scucinighjeghjanu davant’à voi i prudutti di u mercatu è prulungate a visita grazia à l’attelli è masterclasses di u spaziu Da Imparà.

• Da Imparà à u spaziu San Ghjacumu : un locu di trasmissione induve i capicucinari pruponenu attelli è masterclasses pè fà scopre e so tecniche è u so sapè fà. Quist’annu, in più, sò previsti attelli per i zitelli animati da Ilham Moudnib.

• U Spaziu Da Campà - à pede di u Torrione : v’aspetta u spettaculu cù sessione di show-cooking (perfurmenze cucinare è artistiche) è duelli trà capicucinari  è pruduttori. 

• Da Campassi in u giardinu di u quartiere pisanu : ci tasterete pastizzerie artigianale è dulciumi. 

• Da Bia - sempre à u quartieru pisanu : a bivetta di u festivale.