Nutiziale culturale

Cuncertu di i Surghjenti'ni, sabbatu u 10 di ghjennaghju 8 ore è mezu, Sala rossa di Purtivechju è esciuta di u dischettu A scola incantata

U gruppu Surghjenti v’invita à un veru viaghju in u tempu è in e generazione. Da a creazione di u gruppu da Natali Valli in u 1979 sin’à oghje, stu cuncertu conta a storia musicale è umana di Surghjenti rammentendu e so canzone e più famose. L’occasione di celebrà a trasmissione cù I Surghjenti’ni, un prugettu trasgeneraziunale purtatu da un gruppu di Surghjenti’ni, direttu da Guy Canarelli.

Canzone scritte è cumposte apposta per elli veneranu à simbulisà a trasmissione à a giovana generazione. Trà memoria, lascita è mudernità, averemu una ciuttata prufonda in l’anima musicale di a Corsica, cù pulifunie è sensibilità cuntempuranee chì si rispondenu. Una stonda scarsa di spartimentu è d’autenticità chì incanterà i passiunati di cantu corsu cum’è i curiosi. U novu dischettu di i zitelli I Surghjenti'ni 'A scola incantata' hè dispunibule nant’à i siti d’ascoltu https://idol-io.ffm.to/ascolaincantata

Riservazione sopr'à locu o https://www.helloasso.com/