Nutiziale culturale

Per fighjà e stelle, u primu dischettu di L'Alivetti

U gruppu balaninu L'Alivetti, cù Lisandru Savelli, Alexandre François, Matheo è Pascal Carboni hà esciutu u so primu dischettu 'Per fighjà e stelle'. Stu gruppu canta dapoi parechji anni, in particulare pè a prima parte di u cuncertu di I Muvrini d'aostu 2024 in L'Isula. In stu novu dischettu, i canterini difendenu a lingua corsa, l'avvene di u perghjornu (balbuzard pêcheur),  l'anni di u cumbattu puliticu in Corsica, l'amore in generale, quellu di a terra corsa... I testi sò stati scritti da Roland Frias, Don Frédéric Terrazzoni, Tittò Limongi. Avemu canzone tradiziunale, sunate cù a cetera, o muderne.