Nutiziale culturale

I 20 anni di l’emissione Cabaret di RCFM

L’emissione musicale di a stazione corsa di France Bleu festighjeghja stu vintesimu anniversariu cù oramai 4 artisti nant’à a scena invece di unu, u decoru di u spaziu Carlu Rocchi in Biguglia, locu d’arrigistramentu u marti da 6 ore à 8 ore è 2 ore d’antenna invece di una. St’emissione hè stata creata in u 2004 da Olivier Balbinot, animatore incaricatu oghje di a prugrammazione, Michel Codaccioni, anzianu direttore di RCFM, è Isabelle Béziers, anziana rispunsevule di i prugrammi. Dapoi qualchì annu, Christophe Zagaglia hè l’animatore di un’emissione misinca diventata settimanale.  A prima diffusione hè u venneri da 5 ore à 7 ore è ridiffusata a dumenica da meziornu à duie ore. Cabaret seguita dinù l’attività culturale è s’apre à altre forme artistiche. Ci sò e cronache d’Henri Olmeta, Marc’Andria Castellani o Andrea Pinelli.