Voce Nustrale

Nutiziale culturale

Corti
3 di lugliu

Mostra di u FRAC Corsica 'Arcanes, Rituels et Chimères' in Corti da u 4 di lugliu à u 19 d’ottobre

Pè cumemurà i cent’anni di u famosu manifestu di u surrealismu scrittu da André Breton, u FRAC Corsica, u Fondu Regiunale d’Arte Cuntempuraneu, in Corti prupone una mostra cullettiva nant’à a pertinenza attuale d’una dimarchja artistica micca raziunale. Hè inaugurata u 3 di lugliu à 11 ore. Sta manifestazione hè un viaghju ind’un spaziu chì ùn hè micca supranatu da a so sola cuscenza. L’artisti invitati, avendu cum’è riferenza a pittrice Leonora Carrington, mostranu pratiche è simbuli mistichi pè incantà di novu un mondu imprigiunatu ind’un ideale mudernu di chjarezza è di cuntrollu assulutu. Ogni opera hè un intercessore versu rialità alternative, à tempu puetiche è occulte.
“Arcanes, rituels et chimères” rimanda dunque à l’esuterismu, e forze misteriose cum’è l’enimme di u Sphynx. Dunque, l’arte diventa un arnese pè indebulì e certezze è andà versu ciò chì hè sempre scunnisciutu. Cum’ella dice Leonora Carrington, “simu tutti porte, passi versu ciò ch’ùn si vede.” A porta hè dunque aperta versu l’opere di Mathilde Albouy, Nils Alix-Tabeling, Ruba Al-Sweel, Kevin Bray, Madison Bycroft, Leonora Carrington, Dominique Degli Esposti, Justin Fitzpatrick, Michele Gabriele, Antoine Giacomoni, Cecilia Granara, Shuo Hao, Wilma Harju, Youri Johnson, Kris Lemsalu, Isaac Lythgoe, Alexandra Metcalf, Ji-Min Park, Rojda Yavuz.

Artisti

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza