Nutiziale culturale

A pruduttrice aiaccina di cinema Marie-Ange Luciani, premiu Daniel Toscan du Plantier 2024

Stu premiu ricumpensa « a pruduttrice o u pruduttore chì s’hè illustratu durante l’annu cinematugraficu passatu”. Marie-Ange Luciani, a direttrice di a sucetà di pruduzzione Films de Pierre hà pruduttu parechji filmi in u 2023 : La Ligne d’Ursula Meier, L’Île rouge di Robin Campillo è infine Anatomie d’une chute di Justine Triet, copruduttu cù David Thion di i Films Pelléas è numinata pè e ceremunie di i César è Oscars dopu avè francatu più di 1,5 milion d'entrate in Francia.
D’altrò, dopu avè ottenutu a so Palma d'Oru, u filmu “Anatomie d’une chute” hà ottenutu u Premiu cinematugraficu di u migliore filmu francese è quellu di u migliore DVD/Bluray recente frà i premii di u Sindicatu Francese di a Critica di Cinema 2023. In stu mumentu, Marie-Ange hè in Los Angeles. Pruducerà i prossimi filmi di Monia Chokri, Laurent Cantet, Robin Campillo è Léa Mysiu. Hà pruduttu dinù u novu filmu di Claire Burger, Langue étrangère, selezziunatu à u festivale di Berlin.