Nutiziale culturale

Una donna corsa, autore di fascia figurativa : Caroline Nasica

Caroline Nasica hè nata in u 1997. Una corsa originaria di Tocchisu ingrandata in u meziornu di a Francia. Dopu à un diplomu à a scola prufessiunale suprana d’arti grafichi è parechje mostre fotografiche trà Parigi è Aiacciu, volta versu a so prima passione : u disegnu è in particulare a fascia figurativa. Hè cunsiderata cum’è un diamante di stu generu.

In u 2020, hà apertu un contu nant’à Instagram induv’ella conta i so stalvatoghji comichi, dramatichi è in autoderisione. Conta dinù e storie sceme mandate da vuluntari. Cusì hè esciutu “Caro et les zinzins” chì hà successu. Parechje persone cumencianu à identificassi à ste storie. U futuru libru editatu ind’è Dargaud, Zia Zinzin, evucheghja a so famiglia corsa. Un sguardu nant’à a Corsica cuntempuranea luntanu da e banalità.