Voce Nustrale

Nutiziale culturale

Corsica
18 di marzu

À principiu, u terzu dischettu di u gruppu L'Alba

Stu novu dischettu hè quellu di tutte e partenze, di tutti i tragetti è di tutte e destinazione. Nove musiche, nove manere di fà a musica. Una vera diversità. Una paghjella di caffè induve manca solu u rimore di i bichjeri, ritimi assai africani, quasi trance, World music à l'usu Peter Gabriel, canzone à l'usu Carlu Rocchi, è di sicuru e pulifunie cù l'harmonium, cum'è in a musica balanina ! À Principiu hè un dischettu chì rinnuvelleghja l'estetiche pè u gruppu. Ispiratu di viaghji trà Napuli, l’Oriente è l’India, ci face vultà in a storia di u Mediterraniu. I musicanti di l’Alba cuntinueghjanu di splurà e radiche originale di a pulifunia corsa è di e musiche tradiziunale mediterranie pè fà torna a leia cù a so identità universale.

Un viaghju in numerose sunurità grazia à l’harmonium, u saz, l'oud, ma dinù a bassa è a chitarra. L’Alba mantene l’ideale d’una cultura musicale cumuna à l'omi, una cultura anziana ch'è no averebbemu ognunu in noi, testimunianza d'un passatu riccu di scambii trà e pupulazione ma soprattuttu un locu di fratellanza trà l'omi d'oghje. Cù ste sunurità singulare, l'ascultadore hè traspurtatu in un viaghju mischjendu l'acustica è l'elettricu, a memoria cullettiva è l'imaginariu.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza