5 di lugliu
'Chjerchju di vita' di Vitalba pè i vint'anni di u gruppu
Diciottu canzone, frà quesse dodeci nove, invitati, voce nove pè un'opera chì si vole più intima, pè qualcosa chì hà sensu di pettu à ciò ch'elli anu campatu è ciò ch'elli volenu campà. Hè menu felice, più malinconicu chè i dischetti di nanzu. U gruppu brama di più armunie chì permette di piazzà megliu e voce.
U primu titulu 'E mio mani eppo tù' hè l'ultimu rimessu à Toussaint Montera. Si sente a so voce. A so sparizione, tuttu ciò chì u gruppu hà campatu dapoi cinque anni è stu dischettu, ghjè qualcosa di tristu è di felice à tempu cù a suddisfazione d'avè tenutu è cuntinuatu. In 'Chjerchji di vita', ùn anu micca rivuluziunatu a musica ma appena quella di u gruppu. Frà e voce invitate, François Aragni, Francine Massiani, Petru Santu Guelfucci, Jean-Claude Acquaviva, Jean-Louis Achard... L'autori di e canzone sò dinù Jean-Claude Acquaviva, Lisandru Gambini è Maddalena Massiani.
Vitalba: un quartu discu, un antru passu. Forse u più difficiule chì avemu persu per istrada un pocu di ciò ch’è no simu quandu Toussaint si n’hè andatu. Ma puru, simu quì cun ellu à fiancu à noi. Aldilà di l’ultimu rigalu musicale ch’ellu ci hà fattu è ch’è vo pudarete sente, hè prisente in ogni canzona di stu doppiu discu. Sin’chì Vitalba cantarà, cantarà ellu dinù. Hè per quessa ch’ella hè impurtante, di tantu in tantu, di piglià u tempu di nutrisce a mimoria, di lascià una traccia. Perchè noi, ùn simu micca eterni, ma e canzone, qualchì volta, sì.
Indu sti dischi, ci truvarete a nostra malincunia, u nostru bisognu di fà sorge a tristezza chì ci hà abbracciatu quella statina di 2018. Ma ci truvarete dinù tutta a forza cumuna chì ci move dapoi sempre è a nostra brama di sparte ciò ch’è n’avemu in core cù tutti quelli chì a vularanu fà cù sincerità è passione. Dodeci canzone nove è qualchì una più anziana accumudata cù u nostru spiritu d’oghje.
Vulemu ringrazià tutti quelli chì anu datu una manu per aiutacci à fà stu passu in più. Sianu cù i so scritti per Maddalena Massiani o Lisandru Gambini, u so ingegnu musicale per Jean-Claude Acquaviva o a so voce per Petru Santu Guelfucci (Di mele è di sale), Jean-Louis Achard (L’isula sola), Pierre Angeli (A maghjera), François Aragni (Duve sò ? è Machja corsa), Francine Massiani (Ti tengu cara è Duve sò ?) è torna Jean-Claude Acquaviva (Machja corsa).
Eccu ciò ch’è no vuliamu dì per prisintavvi sta pagina nova di u nostru libbru cumunu. Ciò chì ferma à scrive, a faranu e canzone…
Artisti
Per fighjà e stelle, u primu dischettu di L'Alivetti
6 di maghju | Corsica
D'ogni culore, u secondu dischettu di u gruppu Eppò
29 d'aprile | Bastia
“Paisagi di a Castagniccia” à u museu Pasquale Paoli, in Merusaglia sin’à u 15 di dicembre
10 d'aprile | Merusaglia
À l'intimu, u novu dischettu di Petru Bracci
27 di marzu | Corsica
Ci faremu un passu : u novu dischettu di u gruppu Primavera
18 di marzu | Corsica
U Cantu di i Canti, novu doppiu dischettu di Patrizia Gattaceca
11 di marzu | Corsica
Nostalgia di u passatu, u quartu dischettu di Sissi Palandri
8 di marzu | Corsica
U novu dischettu di u gruppu Diana di l'alba
7 di marzu | Corsica
Tarraniu : i versi taravesi ripigliati à modu « arabinu »
4 di marzu | Corsica
Canzone d’amore, u novu dischettu d’Augustin Mariani
11 di ferraghju | Corsica
U gruppu Alcudina : un’aventura musicale à prò di a lingua corsa
11 di ferraghju | Corsica
U coru d’omi di Sartè : 30 anni
2 di ghjennaghju | Sartè
U best of Avà ! E preferite di I Muvrini
17 di dicembre | Corsica
Grilli, u novu dischettu di u gruppu L’Alba
10 di dicembre | Corsica
Mostra 'Femina Celesta. Simbuli di u feminile sacru' à u museu di l’Alta Rocca in Livia
29 di nuvembre | Livia
Liet internaziunale 2024: i resultati
23 di nuvembre | Bastia
A Voce Di A Terra, primu dischettu di Éléonore Pancrazi
8 di nuvembre | Corsica
Cas'Arcusgi : a nova scola di musica è di cantu di u gruppu L'Arcusgi !
17 d'ottobre | Lucciana
Amori, u novu dischettu di Jean-Charles Papi
15 d'ottobre | Corsica
Lettera di a luna, u novu dischettu di Chjar di Luna
30 di lugliu | Corsica