Nutiziale culturale

Cuncertu di u pianistu Petru Casanova cù u gruppu Spartimu « dialoghi di pulifunie » chjesa San Ghjuvan Battista in Bastia, sabbatu u 17 di ghjennaghju

U gruppu di pulifunia tradiziunale Spartimu splora dapoi parechji anni e tradizione orale di a Corsica. Fundati nant’à ricerche musiculogiche è a pratica di u « cantu in paghjella », i prugetti di i canterini avvicinanu musiche, ripertorii è pratiche chì parenu di primu accattu assai alluntanati. In quant’à u pianistu Petru Casanova cerca sempre l’autenticità quand’ellu sona è in a so manera di trasmette. A so leia prufonda cù a cultura corsa si ritrova in ogni nota musicale. Cusì, stu cuncertu avvicina musica tradiziunale è classica chì sò state troppu spessu opposte in modu inghjustu. Un dialogu di stili chì si frequenteghjanu troppu pocu induve Purcell, Chopin, Brahms o Beethoven, seranu à fiancu à i canti sacri è pulifunie corse è mediterranie.

Riservazione : https://bastia.notre-billetterie.com/