1u d'aprile
Dante in paghjella da l'infernu à u paradisu: novu dischettu di A Ricuccata
Dante Alighieri, puetu, scrittore, pensadore è omu puliticu fiurentinu chì l'anniversariu di i 700 anni di a so morte hè celebratu in u 2021, hè l'autore di a Divina Commedia, scritta da u 1303 à u 1321. Un puemu in lingua vulgare fiurentina. A so opera a più famosa è una di e più primurose testimunianze di a civulizazione medievale. Cunnisciuta è studiata in u mondu sanu, hè unu di i capi d'opera di a litteratura. A Divina Commedia hè a messa in scena pè a prima volta di ogni elementu di l'universale. Ghjè u celu, i destini ultimi di l'Umanità, l'infernu, u purgatoriu, a gloria di u paradisu. A so riprisentazione imaginaria è allegorica di l'aldilà cristianu riprisenta a visione medievale di u mondu, sviluppata da a Chjesa catolica rumana. Pè Carlo Ossola, prufessore à u cullegiu di Francia, in u paradisu di a Divina Commedia, ci hè una 'grande festa à tempu di u cantu è di u fiacculime, da luce in luce felice è dolce'. A critica hà insistitu spessu nant'à u splendore di a grazia, e fulgurazione d'un misteru chì si palesa à u pelegrinu d'amore. Menu spessu, hè statu rimarcatu u coru putente di e voce chì cantanu. U gruppu A Ricuccata hà cantatu in Parigi, d'ottobre 2015, stratti di l'infernu, di u purgatoriu è di u paradisu.
Stu novu dischettu di A Ricuccata hè statu pruduttu da u laburatoriu LISA di l'Università cù u sustegnu di a Cullettività di Corsica in u quadru di u prugettu CPER-CALLIOPE chì addunisce ricerca è creazione pè testimunià di a capacità di rinnuvellamentu di l'anziane tradizione puetiche mediterranie. U prugettu vole aiutà l'attori culturali, i cercadori è u publicu à capisce megliu e leie chì, dapoi l'Antichità, anu pussutu mantene trà e culture mediterranie una cumunità di sapè è di pensà. Si tratta dinù d'arricchì u patrimoniu pueticu-musicale di a Corsica cù pruduzzione interculturale è chì entre in u grande muvimentu d'apertura induve participeghjanu tutti l'attori culturali di a Corsica.
A Ricuccata ci parla di a Musa chì hà una bella voce (Kalli-opé) è chì volta pè traspurtà sin'à noi a 'morte poesia' di Dante. Face sente in a so lingua l'armunie pulifoniche chì tanti anziani Corsi si cuntavanu à mente. Una parte di u cantu XVII di a Divina Commedia, u principiu di u Purgatoriu, era cantatu da i pastori corsi quand'elli francavanu una bocca in tempu di l'impiaghjera o di a muntagnera. Dunque, ghjè una tradizione in usu in Corsica è in a regione taliana di l'Abruzzo. Un ci era bisognu di sapè leghje o scrive, bastava à amparà sti canti durante e veghje.
Artisti
9 di maghju 2021: cuncertu live stream di Jean-Charles Papi
8 d'aprile | Purtichju
Epupea, Digenis Akritas: novu dischettu di Patrizia Gattaceca
1u d'aprile | Corsica
À principiu, u terzu dischettu di u gruppu L'Alba
18 di marzu | Corsica
Sottuscrizzione pè u sestu dischettu d'Arapà
19 di ferraghju | Purtivechju
Naturale, u novu dischettu di Midò Muziotti
21 di ghjennaghju | Corsica
Alba di spemi, u novu dischettu di Patrick Salvatorini
5 di ghjennaghju | Corsica
Sperà, u novu dischettu di Jean-Charles Papi
2 di dicembre 2020 | Corsica
Eu cantu, u novu dischettu di Scola in festa
11 di settembre 2020 | Fulelli
A Noscia, u novu dischettu di I Surghjenti
2 di dicembre 2019 | Corsica
Versuniversu u novu dischettu di Patrizia Poli esciuta naziunale l'8 di nuvembre
5 di nuvembre 2019 | Corsica
U novu discu di u gruppu I MUVRINI 'Portu in Core' esce u 18 d'uttobre
18 d'uttobre 2018 | Corsica
Battista Acquaviva nant'à a strada di Los Angeles
11 d'uttobre 2018 | Corsica
U rè, novu dischettu di Daniel Vincensini
Ghjugnu 2019 | Corsica
Hubert Tempête ci rigala un bellu discu per i so sessantanni di carriera
Ghjugnu 2019 | Corsica
Best Offu 2 di u gruppu I Mantini
Maghju 2018 | Corsica
D'amore è di passione, u novu dischettu di Mai Pesce
Maghju 2019 | Corsica