Nutiziale culturale

Face u pane, u novu dischettu di I Muvrini

Ghjovi u 2 di settembre, in a cità di Morges, in Svizzera, I Muvrini ritrovanu a scena dopu à 562 ghjorni senza cuncertu. Voltanu cù canzone nove è un novu dischettu 'Face u pane' chì esce u 10 di settembre. Sì a gioia di u mondu hè ferita, a risposta puetica è musicale hè aspettata ancu di più. Vultà cù parolle vive, rinnuvellate. Cercà inseme u tonu ghjustu di fronte à e stride d'urgenza è a celebrazione di a vita: ritruvate, emuzione spartuta, st'essenziale chì ci aiuta à campà. U titulu 'Face u pane' rimanda à una donna panattera in Afganistanu, in un cuntestu di guerra. U pane, cum'è un votu pè a vita.