Nutiziale culturale

Grilli, u novu dischettu di u gruppu L’Alba

Hè esciutu u sestu dischettu di u gruppu L’Alba. U titulu rimanda à u numeru più frequente di i so cuncerti di statina. A canzona « I grilli di lugliu » ùn rimanda micca direttamente à u gruppu, ma li permette di presentà a so visione di a musica corsa, di a so identità è e so influenze. L’ogettivu di stu dischettu hè di prupone una sperienza immersiva induve ogni canzona, tenendu à a so identità, cuntribuisce à l’inseme. Avemu assai canzone di cabaret corsu, ispirate di l’opere di canterini emblematichi di a perioda nanzu u Riacquistu, perioda induve principiava a mudernisazione di a musica corsa, ma firmendu in e tradizione musicale di l’isula. Per esempiu cù una lettura sensibule di Natale Valli. A sensibilità artistica di l’Alba, pè a creazione, s’ispira in particulare di e culture mediterranie chì influenzeghja e musiche di u dischettu. 

Grilli hè a cuntinuità di u travagliu di cumpusizione di u dischettu À principiu. L’ispirazione creatrice di st’ultimu hè sempre favurisata da a pusizione geografica di l’isula, da a so storia è da un avvicinamentu musicale orientatu versu altri orizonti. L’opera si compie nant’à una nanna è altre canzone ch’ùn si pò classificà pè illustrà un travagliu di ricerca di u gruppu. A lingua, a scelta di e parolle, trà metafure è allegurie, pruponenu parechji livelli di lettura è d’interpretazione pussibuli. U dischettu hè arricchitu da a participazione di numerose donne, musicanti è canterini isulani, musicanti africani.