Nutiziale culturale

Naturale, u novu dischettu di Midò Muziotti

In stu secondu dischettu, scrittu cù u so cumpagnu Petru Cerutti, autore, cumpunidore è musicante, si ritrova ogni stile di musica: pop, folk, musica tradiziunale, jazz è classica. Cusì, avemu u «Dio Salve Regina » in musica classica, cantu liricu è in polifunia. Dopu, «Voi Che sapete», un cantu liricu, strattu da l'opera «Les Noces de Figaro » di Mozart. E cumpusizione di Midò Muziotti cum'è «Abbademu», «Tuttu và bè» o ancu «Zuccaramusa », canti tradiziunali : «Lettera à Mamma», «Barbara Furtuna» è riprese di «Corsica», «Mal’cunciliu», «Ricordu», «L’acqua viva», «L'anniversariu di Minetta», «Contrarilogiu», «Missaghju» è «Versu tè».

Ci hè dinù qualchì surpresa cù nove creazione in corsu, in corsu/francese, cantu liricu in corsu è in talianu. L'ispirazione di l'artista hè u mondu, e so sperienze o evenimenti passati. Pudite ritruvà u ripertoriu di Midò Muziotti nant'à u so canale YouTube https://youtube.com/c/mid%C3%B2muziotti

Ritrattu : Corse net infos