Nutiziale culturale

U gruppu Alcudina : un’aventura musicale à prò di a lingua corsa

Natu sett’anni fà in Alta Rocca, l’associu Alcudina hè capunanzu una storia di passione è d’amicizia pè a lingua è a musica corsa trà Sébastien Tramoni, François Mozziconacci, Jean-Louis Simonpieri, Philippe Biondi, Jean-Baptiste Gomez, Nicolas è Marc-André Goti. A principiu, Alcudina organisava attelli di cantu in Santa Lucia di Tallà pè tutt’ognunu. D’altrò, u gruppu hà esciutu u dischettu di listessu nome cù 13 tituli è un QR Codice pè cunnosce e parolle è e traduzzione. Frà e canzone, avemu dinù “O lingua corsa”, cantata cù a scola di cantu “U cantu di a Trova” di Mathieu Casanova. Parechje tematiche sò cantate : a legenda cù e canzone Divota è A svolta, a storia cù Cameddu è Millelire, sugetti d’attualità cù Populu sè, Voddu creda. U gruppu hè impenseritu da fatti di sucetà ch’ùn si pudia imaginà cinquant’anni nanzu cum’è i gattivi trattamenti à e persone anziane, o l’arrubbecci in chjese. 

I canterini approntanu un cuncertu di presentazione in Alta Rocca cù una formula acustica intima avendu voce, chitarra, banduneone è percussione. U nome Alcudina rimanda à u nome di u pianottulu di u Cuscionu è à l’arnese di u stazzunaru chì ùn si rode micca. Ciò ch’elli bramanu pè a lingua è a cultura corsa, pè traversà e generazione è e cunfine.