Voce Nustrale

Nutiziale culturale

Corsica è Mondu
30 di ghjugnu

Un libru nant’à a memoria di u gruppu Alte Voce

Quasi 22 anni fà, d’ottobre 2000, nascia u gruppu Alte Voce. In u libru di memoria, Alte Voce à l’edizione U Ghjattu Neru, i dui canterini Jean Mattei è Rosanna Cesari rammentanu ricordi è scontri in l’isula è in altrò. Anu sceltu d’offre à i so lettori i so testi tradutti in corsu,francese è chì sò cummentati. Puesia, emuzione è cunfidenza. Durante i so cuncerti, ci eranu gioie, amicizie, ma dinù difficultà, è pene. Cusì, si custruisce un racontu è oramai e tappe d’un libru di memoria. Jean Mattei è Rosanna Cesari anu sappiutu truvà e parolle à dece dischetti, frà quessi Isula Nostra è un Best of, cù più o menu 70 cuncerti annuali. Anu cuntatu a so storia pè sveglià e cuscenze à a ricchezza di u nostru patrimoniu è di a musica pupulare corsa. Alte Voce porta a bandera di a sulidarità, di u spartimentu, di a cunfidenza in u futuru. Pensanu chì a so rispunsabilità hè maiò ind’a sucetà. Volenu fà ritruvà curagiu, forza è speranza à persone chì ne mancanu. Certe persone anu dettu à Jean Mattei chì e so meludie l’anu aiutate in a so vita. Jean Mattei s’arricorda di Jean-Pierre Albertini, merre di Salbris durante 14 anni, u canterinu Blaise Zali. Sò evucati dinù Henri Parsi, originariu di Tiuccia è Castifau, chì hà fundatu una dinamica d’anticharii in Marseglia, Noël Marcialis, zitellu aiaccinu chì hà seguitatu u so babbu in Briançon, Patricia Baudoux, chì animeghja in Corrèze l’emissione “Corsica….ou la musique corse dans tous ses états”,  Christine Marchetti scuntrata in u paese d’Eze, Claude Gaspari, Philippe Gauthier, a cumunità zingara d’Alès o l’arcipurfigliuline di u capu indianu Sitting Bull è tant’altri. E persone ma dinù i lochi cum’è u chjassu di i Corsi à a bocca di a Chapelotte (Vosges), a basilica di Notre Dame de la Paix in Yamoussoukro in Côte d’Ivoire induve anu cantatu u Dio Vi Salvi Regina davant’à 1800 fedeli.


I canterini principali di u gruppu sò : Rosanna Cesari, Jean Mattei, Pierre Barthélémy, Laurent Ménival, Bruno Vidal, Bernard Lusignan, Eric Buresi. Ogni tantu, cantanu dinù Joseph Figarella, Auguste è Marc’Antò Fantoni, François Quilichini, David è Ludovic Mezzacqui, Fanfan Cesari è Frédéric Pottier.  Nanz’à Alte Voce, Jean Mattei cantava cù I Muvrini. Da u 1993 à u 2000, hà participatu à u gruppu Isula Bella. Trà Alte Voce è Isula Bella, hè u gruppu curtinese Mora Murena chì hà fattu a leia. In u 2000, si furmava Alte Voce cù Jean Mattei, Rosanna Cesari, i so fratelli Fanfan è Pasquale cù i so canti muntagnoli putenti, Frédérik Torre è a so terza rimarchevule, Battì De Nobili, chitarristu, mandulinistu è canterinu, Charles Nicolini, Titou Donati anu cumpletatu a squadra. Dopu, Natali Valli, puetu, chitarristu è fundatore di u gruppu I Surghjenti porghje a so cuntribuzione.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza