Nutiziale culturale

À u ritimu di e sperenze, novu dischettu di Voce Ventu

U 5 di ghjugnu di u 2021, esce u quintu dischettu di u gruppu Voce Ventu pè festighjà i so 25 anni. I canterini anu vulsutu mischià creazione nove è travagliu ch'elli anu fattu durante stu tempu. In tuttu, quattordeci creazione, dece canzone cunnisciute è un pezzu di musica. Ci pudite scopre frà altre e versione nove di « Kyrie è Christe », « Da u sperà », « A serva », « Tessi tessi » ecc. A cuprendula hè u ritrattu d'un manifestazione in Santiago di u Cile u 25 d’uttobre di u 2019. 

Issu ghjornu, in piena rivuluzione pupulare, sò invitati tutti i musicanti cileni, prufeziunali è amatori, à adduniscesi in carrughju pè cantà è sunà inseme pè « el derecho de vivir en paz » u dirittu di campà in pace. S’adduniscenu sott’à u mottu di « Mil guitarras por la Paz » Mille ghitarre pè a pace. U gruppu Voce Ventu hà pensatu chì sta manifestazione illustrava bè u spiritu ch'elli vulianu purtà, e sperenze d'un populu cù a canzona. Hà ispiratu a canzona 'Mille cori' di stu dischettu nant'à a fraternità è a speranza cù un stile appena sud americanu. Infine, 'À u ritimu di e sperenze' hè dedicatu à u spaziu Natale Rocchiccioli di Carghjese u 5 di ghjugnu à 4 ore è mezu.