Nutiziale culturale

Cuncertu di Diana Saliceti marti u 27 di ghjennaghju à 8 ore è mezu di sera in a sala rossa di Purtivechju è novu dischettu Prisintazioni

U talentu di una di e più belle voce di Corsica à prò d’una puesia, d’una lingua, d’una cultura denduli arditezza è mudernità ma preservendu à tempu a so identità. Prisintazioni, u novu dischettu di Diana Saliceti hè a seguita di “Forse” pè celebrà i dece anni di sta bella aventura musicale. Un dischettu vera dichjarazione d’amore à e so radiche terranie rispechjendu a nova vita rurale ch’ella hà sceltu ind’un locu di cultura è di pienezza. Spunta dinù a passione di a canterina pè l’allevu di cavalli è a pruduzzione d’oliu d’oliva. Pè a scena, Diana Saliceti prupunerà à u publicu cuncerti intimisti induve serà accumpagnata da belle interpretazione strumentale purtate da i musicanti attalentati chì l’accumpagneranu.