Nutiziale culturale

Musicalmente, u novu dischettu di Patrice Bernardini

Stu novu dischettu hè l'opera di a maturità pè u cerviunincu Patrice Bernardini dopu à cinque dischetti cù u gruppu I Fratelli. Hà scrittu è cumpostu parechji tituli cum'è 'Cunfinamentu' pè un omagiu à l'artisti privi di scena è chì ùn pudianu sprime u so talentu. 'U mo figliolu' pè cantà e leie trà u canterinu è u so babbu, è una canzona dedicata à u chitarristu Barthy Raffo, originariu di L'Isula, è chì hà accumpagnatu famosi artisti francesi. U cunfinamentu hè statu un periodu d'ispirazione pè Patrice Bernardini. E canzone sò state scritte dinù da Ghjacumu Fusina, Ange Orati, Magà Ettori, Jean Cuiconi, Richard Girolami chì si n'hè andatu in u 2020 è chì l'opera hè dedicata.