Nutiziale culturale

Don Cherottu u terzu, sabbatu u 23 di maghju à u centru L’Alb’Oru in Bastia à 8 ore è mezu

Unità Teatrale hà creatu l’ultimu episodiu di Don Cherottu, adattazione in trilugia di u famosu libru di Cervantès. U prugettu scenugraficu di Jean-Pierre Lanfranchi evulueghja è cambia in u filu di i trè episodii. Quì, tuttu si passa micca in capu à Don Cherottu ma in quella di Cervantes. St’aventure sò difatti una visione di u mondu pruposta à u lettore pè ch’ellu tenghi un sguardu sempre rinuvellatu nant’à ciò ch’ellu ci hè ingiru à ellu è ciò ch’ellu traversa. L’aventure di i persunagi si pruseguenu. Cercanu sempre à Dulcinea, scuntreranu strani persunagi è l’incanti feranu u restu. Stanchi morti, rientreranu in u so paese induve Doncherottu hà da more à mumentu datu.

L’adattazione s’ispira da e traduzzione di Louis Viardot et Aline Schulman. Arti plastichi, musica, ballu, ghjocu d’attore, mariunette sò à prò di u mutore di a creazione. Quì, Cervantès face more à Don Cherottu pè impedì ch’ellu sia cupiatu senza autorisazione. Dunque senza eroe, ùn ci hè più penseru !

Cù Jean-Pierre Lanfranchi, Daniel Delorme, Aurélien Gabrielli, Michel Scotto di Carlo, Aurelia Ferrali, Pierre le Bloa, Elisabeth Dominici, Jordan Andrei-Large, Pierre Pasqualini, Hassan El Moutaakkif, u gruppu Tavagna : Francis Marcantei, Charly Levenard, Jean- Etienne Langianni, Michel Paoli, Eric Barre, Daniel Gonet, Claude Bellagamba.