Nutiziale culturale

E fole di mamma di Ghjuvan Ghjaseppiu Franchi in versione numerica

Stu libru esciutu in u 1981 volta in libreria à l’edizione Alain Piazzola cù un QR Codice, una leia versu internet è una traduzzione in francese. Cusì, si pò stà à sente l’arrigistramentu di a voce d’Anna Maria Franchi, mamma di l’autore oghje smarita, è a so surella Marianna Gianni. Ste fole sò state trasmesse da una generazione à l’altra. Nanzu, stu patrimoniu si limitava à qualchì scagninu cum’è archivii di un’intervista. In l’anni 2000, dopu à u sforzu pè raccoglie ste fole, ci hè un sforzu di salvezza cù a trasfurmazione di e fasce magnetiche in CD Rom.

In u 2023, a versione numerica s’hè imposta pè una parte di l’arrigistramenti iniziali. Un’altra manera di trasmette una lascita. A traduzzione francese s’accumpagna di spiecazione pè chjarificà u sensu originale. Cù sta versione numerica, si pò dì chì a storia si ripete per via chì quandu e fole di mamma sò esciute in u 81, era unu di i pochi mezi pè fà splende a lingua corsa. E Fole essendu un mezu pè chjappà u soffiu isulanu. Ci era dinù un rimusciu creatore è culturale pè fà rinvivì un imaginariu.