Nutiziale culturale

Creazione di a Bibliuteca Paolina à l'edizione Albiana

A creazione di a Bibliuteca Paolina, una nova cullezzione di libri trattendu di u XVIIIu seculu cun u libru cullettivu « De la culture, de la politique et de la Corse au siècle des Lumières » à l’edizione Albiana, cullezzione diretta a Erick Micelli è Isabelle Latour.

U XVIIIu seculu, i so Lumi, e so sucetà, persunalità, evenimenti in Corsica, in u Mediterraniu è in altrò in u mondu. I truverete in a Bibliuteca Paolina, un spaziu cumunu à tutti l’aspetti di a Storia è à e discipline scientifiche chì a schjariscenu ognunu à modu soiu. Ghjè ancu un omagiu à l’opera fundatrice di Pasquale Paoli è di i Corsi chì anu u privilegiu d’avè iniziatu u ciclu di e grande rivuluzione di l’epuca cuntempuranea. D’altrò, grazia à a bibliuteca paolina, u Museu Pasquale Paoli, guardianu di a memoria è di a lascita di u figliolu di Merusaglia, pò prulungà a so missione. St’iniziativa risponde à u doppiu ogettivu di mantene è di valurisà u sapè è à tempu di dà à u publicu un spaziu di scuperta in più di e cullezzione di u museu. Ogni libru di a Bibliuteca Paolina serà selezziunatu cun cura è arricchiscerà una memoria cullettiva chì franca i muri museali.

L’annu di i trè centu anni di Paoli hè u cuntestu d’incantu pè fà nasce stu prugettu ambiziosu. Fendu una cullezzione di libri in leia diretta o indiretta cun st’evenimentu, u museu di Merusaglia palesa a so legitimità pè sparghje l’idee di Pasquale Paoli è di l’Europa di i Lumi. A bibliuteca Paoli un serà micca solu una cullezzione di libri ma u veru prulungamentu intellettuale è vivu di u museu. Un hè micca un catàlogu ma un’opera llustrata magnificamente  nant’à i travaglii i piu recenti nant’à a furmazione intellettuale di Pasquale Paoli sustenutu da a cullettività di Corsica.