Nutiziale culturale

Riapertura di u Parcu Galea in Tagliu Isulaccia dumenica u 17 di marzu di u 2024

Riapertura cù un novu prugramma di cunferenze, reunione, è dibattiti passiunenti ogni dumenica à parte da 2 ore. In tuttu, 80 invitati pè l’annu 2024. In più sò previste nuvità : una volta à u mese un food-truck pè a cullaziò, scuperte musicale d’artisti corsi in live à un’ora di u dopu meziornu è attività pè i giovani. Ogni dumenica dopu meziornu, attelli novi per i zitelli è spassighjate nant’à poney.  Ritruverete dinù bella sicura i giardini magnifichi, musei, mostre è chjassi da fà pedi scalzi pè amparà tante cunniscenze in famiglia.

Riapertura dunque dumenica u 17 di marzu cù u cuncertu di a canterina Julie Negroni à un’ora. A duie ore, a biodiversità serà à l’onore cù a reunione di ricerca nant’à a biodiversità di l’acque dolce di Corsica è l’ intervenzione di Gwenaelle Baldovini, capiserviziu nant’à a “biodiversità terrestra” à l’uffiziu di l’ambiente di a Corsica è Christophe Mori, maestru di cunferenze à l’università di Corsica è idrobologistu à u laburatoriu “Scienze pè l’ambiente”

A 3 ore, a grande cunferenza di Bruno David, naturalistu è paleontologu nant’à l’impurtanza maiò di a biodiversità, minacce biologiche è suluzione. Bruno Davis evucherà u Mediterraniu minacciatu da l’omu è suluzione pè salvà a pianeta.