Nutiziale culturale

U Liet International, cuncorsu di canzone in lingue minuritarie, in Bastia u 22 di nuvembre

A 14a edizione di u Liet International, cuncorsu di canzone in lingue minuritarie, serà organisata pè a prima volta in Corsica, in Bastia, u 22 di nuvembre prossimu. Stu cuncorsu, creatu in u 2002, prumove e lingue regiunale è minuritarie cù a musica. Tredeci artisti puderanu cantà nant’à a scena di L’Alboru. E candidature sò aperte sin’à u primu lugliu. I participanti devenu prupone canzone nove ind’una lingua minuritaria europea. Ramentemu chì dui anni fà hè statu vintu da Doria Ousset cù a canzona “Roma. I candidati seranu ghjudicati nant’à a qualità musicale, a diversità linguistica è geografica è l’originalità di e creazione. 

Iscrizzione https://liet-international.com/call-for-new-songs-2024/