Voce Nustrale

Nutiziale culturale

Cervioni
9 di marzu

U tamantu passu francatu per a puesia impruvisata

Durante a so ultima assemblea generale, l’ADECEC hà presentatu un bilanciu culturale di prima trinca pè l’annu 2022, fundatu nant’à a storia di Cervioni, u cumbattu contr’à e viulenze fatte à e donne è l’amparera di u chjam’è rispondi. L’ultimu sugettu hè statu u temu d’una ghjurnata di studiu nant’à u “cantu impruvisatu” di settembre scorsu chì hà permessu di dibatte nant’à e cunniscenze di stu cantu, mettendu in risaltu u so aspettu patrimuniale, a so situazione, a so trasmissione, tutte l’iniziative è arnesi pè a so amparera. Anu participatu esperti venendu da Sardegna, Toscana, Paese Bascu è Baleare. Anu iniziatu cù a delegazione corsa a “chjama di Cervioni” cù a presenza d’eletti, cercadori universitari, prufessori di corsu, di e scole,  pueti impruvisadori.

Hè statu cunsideratu : a puesia impruvisata cum’è un elementu capitale di u nostru patrimoniu. Chì u chjam’è rispondi hè una di e forme e più rifinite di a puesia corsa, chì l’arte d’impruvisà per andà ver di u chjam’è rispondi si pò insignà à i sculari ancu s’elli ùn ammaestreghjanu u corsu, chì l’insignamentu di l’arte d’impruvisà in varie situazione (paese bascu, isule baleare) hà fattu e so prove pè mustrà u sviluppu di e capacità intellettuale di i sculari in tantu chè arnese sicuru pè l’amparera è l’usu di a lingua.


Hè dumandatu : chì sia iniziatu in questu sensu una ricerca à livellu accademicu, chì à listessu tempu sott’à a rispunsabilità scientifica d’un universitariu, sia fattu un ricensu di e varie sperienze d’amparera à livellu interculturale è di i risultati ottenuti. Chì dopu à questi studii sia stabilitu un pianu di sviluppu di u chjam’è rispondi, chì à u puntu più altu di rispunsabilità pulitica sia pigliatu una decisione pè mette in ballu cù i mezi necessari, e pruposte esciute da questi studii.


Dopu, ci hè stata una reunione in Pigna induve hè statu decisu cù Toni Casalonga a creazione di un gruppu di travagliu allargatu pè l’edizione d’un documentu nant’à l’insignamentu di u chjam’è rispondi. L’ADECEC s’hè impegnata à prò di sta rializazione.

 

Cultura

Una ghjurnata pè scopre i sepolcri di a settimana santa in Castagniccia ghjovi u 28 di marzu

28 di marzu | A Porta, Quercitellu, Ficaghja, Nocariu, Castellu di Rustinu è Pastureccia

Raconti IV In paesi Au village

22 di ferraghju | Corsica

L'appuntamenti di l'associu U Pinziglione per l'annu novu

12 di ghjennaghju | I Fulelli (Penta di Casinca)

U terzu numeru di a rivista numerica LUMI

21 di dicembre | Internet

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza