Nutiziale culturale

À l'ispensata, a nova racolta di puesie di Letizia Cosimi, ed. À Fior di Carta

Cum'un battellu chì voga sin'à l'orizonte, un sole à l'attrachjata, un sonniu, un fiore, un ritrattu, un prufumu, un paisagiu, una cria, un silenziu, u tempu chì passa, hè cusì ch'elle nascenu e mio rime è ciò chì face trimà a mio alma. A mo piuma piglia lu so volu per una stonda è per cuntà mi e so storie ch'o spartu cù una brama tamanta ogni ghjornu. Spergu ch'elle vi faranu viaghjà in ogni locu di a nostra terra è per una cria vi portaranu accant'à la mio alma per ascultà... ma sempre à l'ispensata... 

U Ribombu, aprile di u 2022