Voce Nustrale

Nutiziale culturale

Piazzile di E Gràdule
1u di settembre

Associu Immersione: Surtita in immersione di u mercuri 7 di settembre nant'à u tema : Le troupeau en corse

Surtita in immersione di u mercuri 7/09
Piazzile di E Gràdule.
Partenza da Verghju => 9 ore è mezu ; 10 ore (da vede cù i scritti)
Scrizzioni à u 06 12 50 55 08

Parechje manere in corsu di parlà d'un gruppu d’animali chì battenu inseme ;

A parolla chì mi pare oghje a più sparta serà « A BANDA », forse chì hè adatta in ogni situazione è perchè dinù chì e parolle più specifiche si perdenu fora di u mondu di i pastori.

Sì pò dì dinù, di memoria: « u BATTERRECCIU, a SOCCIA (eccula a spiegazione di u paese di i dui sorru ?), u TAGLIOLU, a RUCHJATA, a REGHJA (o greghja) = per e bestie di listessu ceppu ?

● Dopu circhendu aghju trovu dinù => u Bandaglione (per una grossa banda; u tagliolu saria u cuntrariu, vale à dì una banda chjuca ).; rochju (saria solu per e capre ?) ; u stolu , manata, schjera, una mansa ...

Ogni animale di a banda porta un segnu da identificallu (u segnu ; inchjavata, sfurcata, mozza)

Sò chjamate dinù e capre segondu l’andatura (es : una merlata...), u culore (es : bianchina), u pilame (calzerata : tacca nantu à i pedi), e corne (es : falculate => corne assai aperte),

● Sicura dinù chì a sfarenza si face sigondu l’animali ; pecure, porchi, vaccine (da vede più tardi)

● A sfarenza si face dinù segondu l’età (da vede più tardi)

● Pudemu ammintà dinù a sgiotta ( sgiucca , sciucca, sgiocca ...) chì hè a capra casareccia (dumèstica, capra casandiva, allevata per u so latte, u so pelu per fanne fune, a so pelle è a carne di u so caprettu.)
[U scioccaghju => u guardianu , u pastore di e capre casareccie.]

=> Per un dettu, una capra chì stacca a banda, si dice ch’ella hè sbandata ; spicurata sarà => privata di a so banda.

=> L’invistita hè u percorsu di l’animali ; investita chì si face in « un rughjone » (ne parleremu un altra volta)

E voi chì ne sapete ! Forse ci ne serebbe da aghjustà o ancu da currege !

Dite a vostra chì a meia hè detta !

☆ per sapenne di più c'hè u Ravis Giordani, u primu tempi fà , dizziunari di tutte e mamme ! 

Cultura

Mostra André Kertész in Corsica

2 di settembre | Corti

Prestu un museu di a casa Grossu Minutu

1u di settembre | Perelli d'Alisgiani

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza