Voce Nustrale

Nutiziale culturale

Bunifaziu
5 di lugliu

Bunifaziu : prugettu 'A me lengua'

Esce d’aostu 2023 un dischettu in lingua bunifazinca cuncogliendu canterini è gruppi bunifazinchi è d’altrò. L’opera hà tematiche diverse (nustalgia, indiatura, missaghji pulitichi, à prò di l’ambiente, un scontru trà Cyprien di Meglio è un algerianu chì và à cumbatte in a guerra d’Algeria) cù dunque un’apertura à a Corsica è à u Mediterraniu : I pueti di stu dischettu sò Alain è Cyprien Di Meglio, Ghjuvan Federicu Terrazzoni. U scopu hè dinù di fà un spettaculu, u 29 di settembre à a casa di a lingua Sant’Anghjulu di Bastia è dinù un altru pè l’associu bunifazincu Dì Ghi di Scé in u quadru di a festa di San Roccu è i 30 anni di l’associu.

 

Dapoi u 1993, l'associu Dì Ghi di Scé prova à mantene u bunifazzinu chì averà l’età di a so impiantazione in a cità quandu Bunifaziu diventava culunia di a Republica di Genuva à a fine di u XIIu seculu. Secondu i linguisti, u so mantenimentu hè sicuramente un fattu unicu in Corsica è in a Francia sana. Durante sette seculi, Bunifaziu hà campatu staccata da u restu di l’isula cum’è una specia di zona franca genuvese sin’à a cunquista francese di u 1769, conta Alain di Meglio, aghjuntu à u merre delegatu à a cultura è prufessore di l’università. Impadrunendusi di a cità, i Genuvesi anu fattu una culunisazione grazia à una sustituzione di a pupulazione. Cusì, si spiega una presenza di liguri è a perennità di u bunifazincu. Oghje ghjornu, i locutori chì u parlanu bè anu poche speranze nant’à u so avvene, in particulare per via chì anu francatu a cinquantina. Sì a trasmissione orale in e vechje famiglie hè stata una rialità sin’à l’anni 1960, u rinnuvellamentu di e generazione è demugraficu l’hà datu u respice fine.

Cultura

29u Cuncorsu di puesia corsa è gallurese Lungoni

9 d'aprile | Santa Teresa di Gallura

Raconti IV In paesi Au village

22 di ferraghju | Corsica

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza