13 d'ottobre 2019
Festa di a lingua cù l'ADECEC
U sviluppu di a lingua corsa, pillastru maiò di a pulitica di a Cullettività di Corsica si scrive in azzione à longu andà (furmazione, stampa, partenariatu cù l’Educazione Naziunale) ma dinò in azzione più puntuale cum’è a Festa di a lingua. Sta festa ghjova à valurizà è à rende di più videvule ciò chì hè realizatu prima da i purtadori di prugettu o à lancià opere strutturate chì participeranu à a prumuzione di a lingua corsa è à a custruzzione di ripresentazione pusitive, di cumpetenze linguistiche, di risorse o d’opportunità d’aduprera di a lingua. Quist’annu a Festa di a Lingua rigrupperà 42 attori cù 28 associi, 8 cumune, 5 intraprese è un centru di furmazione, per un bugettu tutale cumulatu di 550 000 euri. Annu passatone, 26 strutture eranu state accumpagnate in u quatru di a Festa di a Lingua, sia una crescita di 60% di risposte favurevule.
A Cullettività di Corsica accumpagna i so partenarii à artura di 418 586,95 euri, sia un sustegnu di 75%. Sta somma hè in crescita di 50% per raportu à l’annu scorsu, mercatore di a riescita criscente di sta chjama à prugetti per a Festa di a Lingua.
Trà appuntamenti di ghjocu, amparera di a lingua cù u ghjocu, attellu di litteratura per i zitelli cù in particulare a publicazione di u libracciolu 'A Birba di i mesi' di Ghjacumina Geronimi, edizione Eoliennes, u prugramma di l'ADECEC si stenderà sin'à l'8 di dicembre, ghjornu di a Festa di a Nazione. Ghjurnate d'immersione nant'à i ghjochi tradiziunali in scole di Costa Verde, Bastia è Bravone. Cuncorsu di mora è di paghjella cù cullegianti di Cervioni. L'esame di u certificatu di lingua corsa, una maitinata d'immersione pè appruntà a salviata, una spassighjata di vaghjime, una furmazione di l'agenti di u centru di trattamentu di u mullizzu è di u scumpartimentu cù u lessicu rializatu in cullaburazione cù u SYVADEC pè 'scumparte in lingua corsa'. Infine, opere teatrale cù Orlando Forioso. Rinsignamenti : 04 95 38 12 83.
Cultura
Stazii “Natura è erburisazione” cù Francesca Desideri è Vincent Renoux
16 d'aprile | Ostriconi, Porri, San Petrone
Chjama à prugetti di a CDC : lingua corsa è natura sin'à u 15 di maghju
12 d'aprile | Corsica
Un affrescu memuriale trà storia è memoria in Cervioni
10 d'aprile | Cervioni
29u Cuncorsu di puesia corsa è gallurese Lungoni
9 d'aprile | Santa Teresa di Gallura
È u ventu... A nova racolta di puesie di Petru Leca, edizione Albiana
6 d'aprile | Corsica
Sartène, 1583. Une histoire corse di Guillaume Stalloni, edizione Scudo
19 di marzu | Corsica
A rivista Kyrn in l’emissione “Dans l’oeil de Kyrn”
19 di marzu | Corsica
I sicreti di u tempu, un escape game à u Museu Casa nativa di Pasquale Paoli in Merusaglia
29 di ferraghju | Merusaglia
Raconti IV In paesi Au village
22 di ferraghju | Corsica
U novu cuncorsu di a nuvella organisatu da l’associu Altaleghje
20 di ferraghju | Altaghjè
Premiu di i lettori di Corsica 2024 sin’à u 30 di ghjugnu
26 di ghjennaghju | Corsica
U prugettu d’iscrizzione di u chjam’è rispondi à u patrimoniu immateriale di l’UNESCO, purtatu da l’associ ADECEC è Voce
23 di ghjennaghju | Corsica è UNESCO
L'appuntamenti di l'associu U Pinziglione per l'annu novu
12 di ghjennaghju | I Fulelli (Penta di Casinca)