Nutiziale culturale

Fola Fuletta, dite a vostra, a mea hè detta!

In u quadru di a so pulitica di sustegnu à a creazione artistica, a Cullettività di  Corsica manda una chjama à prugettu nant'à a prumuzione di a lingua è di a Cultura cù a pratica di l'arti di a parolla, di a fola è di l'oralità. L’oralità cum'è elementu fundatore di a trasmissione di a nostra Cƒultura è di u nostru Patrimoniu. A fola, racontu d’aventure imaginarie, permette di trasmette, d'addunì, di custituì una cultura è un patrimoniu pè mantene a memoria cullettiva. Stu generu litterariu pò esse un puntellu sustenutu da a scrittura, u teatru, l’audiovisivu. Pè scopre, riscopre u ripertoriu di e fole è legende cù e so piazze in u patrimoniu litterariu isulanu, st'avvicinamentu puderà fassi grazia à i fondi di e Mediateche, è librarie ma dinù cù l'intervenzione di capifulaghji è di lettori in i lochi scelti. Pè travaglià ingiru à a lingua corsa, favurizendu a spressione à bocca, numerose fole puderanu esse ritrascritte in corsu è cuntate à bocca: un pass'è vene trà l’orale è u scrittu, favurizendu cusì a creazione litteraria è a pratica à bocca di a lingua. Vulendu prumove a creazione artistica ingiru à l'arti di a fola (fole musicale, teatralizate, riscrittura...), sta spluttazione deverebbe permette di trattà di e sfarente discipline artistiche.  L'ogettivi di sta chjama à prugetti di a CDC sò parechji; ripiglianu quelli di u fogliu di strada cultura è permettenu a scuperta, u scontru d'artisti, d'autori è di nove pratiche culturale.

CUNDIZIONE DI PARTICIPAZIONE

- Esse artisti indipendanti, gruppi o cumpagnie artistiche in i duminii di l'arti vivi, visuali, scrittura, pratica di a fola è di l’oralità, associ culturali,

- Pudè cunduce un'azzione educativa versu i cullegi è i licei,

- Intervene è pruduce in lingua corsa, o bislingua,

- Custruì un prugettu artisticu ingiru à a fola è l’oralità.

U cuncorsu hè apertu à ogni persona campendu in modu principale nant'à u territoriu.

-L'agenti è eletti di a Cullettività ùn ponu participà 

DATA LIMITA D’INVIU DI U CARTULARE È INDIRIZZU PUSTALE 
Data di fine di dispositu di e candidature: u 31 d'aostu
Mandatele nant'à carta à a Collectivité de Corse/Direction de la Culture
22 Cours grandval 20170 AIACCIU.