10 di dicembre
Guide la macagna cù Cristofanu Mondoloni è Julien Osty
Natu d’un idea di Cristofanu Mondoloni, in associu per l’occasione, cù u famosu disegnatore Julien Osty, issu prughjettu parte da situazione, conti o fole, per mette in vale paesi è cità di Corsica di modu appena burlescu
Tuttu u mondu, in Corsica è in altrò, cunnosce à Cristofanu Mondoloni. Elettu ma sopratuttu cantadore (dischetti solu, Mezu Mezu unu è dui), attore (cù Michel Galabru)...À cantu à ellu, Julien Osty, l’omu chì si « crocca » à tuttu u mondu (spurtivi, pulitichi, culturali...), nantu à Corse Matin, u JDC di tantu in tantu, Via Stella...Cunniscimi dinò u so associu cù Jarry (duie BD). Dui omi di qualità chì anu decisu di mette u so talente in cumunu per esce una BD : « Guide de la macagna » à l'edizione Sammarcelli, arrimbatu à l’usu nustrale è sopratuttu burlescu, nantu à un famosu guida francese (micca nome…). Sta volta, Cristofanu Mondoloni si mette à scrive. « Partendu da a me sperienza spiega u cantadore, aghju scrittu qualchì passata campata o ascultata in paesi è cità di l’isula. Senza sapè nè comu, nè quandu esciaria qualcosa d’iss’idea quì. »
L’idea face a so strada è dopu avè scuntratu un amicu « cruccatu » da Julien Osty, l’autore decide di cuntattà u famosu disegnatore. « L’idea, aghjusta Mondoloni, era di scriva i testi nantu à una pagina è di metta i disegni nantu à l’altra. Aghju parlatu di u prughjettu à Julien. Hà datu u so accunsentu è avemi pussutu principià à travaddà. »
U prughjettu chjamatu « Guida di a Macagna » prupone dunque un viaghju in parechji paesi è cità di Corsica induve sò cuntate passate più o menu burlesche. Per indettu, s’ampara a passata d’un coppiu quand’è dui « testimonii di Jéhovah » ghjunghjenu à predicà a parolla bona...Pezzi scelti : « Bonghjornu, ghjunghjemu à purtà vi calore è lume... ». Risposta di l’omu : « O Jeanine, veni, ci sò i tipi di l’EDF ! »
« Cristofanu avia dighjà scrittu tuttu, conta Julien Osty, u prughjettu m’hè piaciutu cum’è tuttu ciò chì hè burlescu. Per mè, u scopu fù di traduce à modu meiu è in disegni, ciò ch’ellu mi cuntava. È ci vole à ricunnosce chè l’idee ùn mancavanu micca. »
Cusì, stu guide face a prumuzione di l’isula d’un’altra manera. Ci pò esse una passata ma dinò una prisentazione à modu soiu, cum’è a cità di Bastia : « Ghjesge maestuose, citadella, portu vechju...una cità d’arte è di storia...Chì sò i sicreti piattati da a cità di Bastia ?...Per capisceli, ci vole à spassighjà in e vechje strette, parlà cù l’abitanti di i quartieri, hè quì chè l’anima di Bastia si scopre u megliu...Ci hè dinò l’arte di macagna « à l’usu bastiacciu... ». Eppo, ùn sminticarete micca di scuntrà à Hubert Tempête cù e so sturiette nustrale... »
S’ampara, per indettu, ch’ùn ci vole à passà in Aghjacciu senza piantà ind’è Jean-Jean Vero « L’homme qui tue les langoustes vivantes » ma aspettatevi à cantà « L’Ajaccienne ! »
Di listessa manera, l’autore hà vulsutu trattà di qualchì paesi. Ma un prughjettu ùn s’arresta micca quì. À tempu, Cristofanu Mondoloni aghjusta qualchì pruverbiu… : « D’un asinu, ùn si faci micca un cavaddu di corsa... », « Hè megliu pocu chè micca » o ancu « S’è u mari fussi vinu, quant’è ci saria briaconi... »
In fine, u cantadore ci conta dinò qualchì passata campata cù Michel Galabru...Si tratta, tandu, di l’aghjudanti Gerbert è Cruchot…
origine : Journal de la Corse
Cultura
Premiu di i lettori di Corsica pè José Carducci è Camille de Peretti
3 di lugliu | Corsica
In quelli anni di a brasgia, Pasquale Ottavi, edizione Albiana
2 di lugliu | Corsica
Hè esciutu u sestu Raconti in paesi-au village, Matina Latina, edizione Maïa
2 di maghju | Corsica
I Custodi di u castagnetu
25 d'aprile | Corsica
A chjama di Scola Corsa pè nove iscrizzione di zitelli
18 d'aprile | Corsica
L'appiecazione Strada Paolina : scopre a Castagniccia seguitendu i passi di Pasquale Paoli
10 d'aprile | Castagniccia
Pasquale Paoli : l'influenza mundiale d'un patriottu sapiente
8 d'aprile | Corsica è Mondu
Esciuta di u quintu numeru di a rivista Lumi
19 di marzu | Internet
Zonza : un prugettu pè a memoria di a Resistenza
13 di marzu | Zonza
Un prugettu di mostra nant’à a cunsulta di Caccia
13 di marzu | Corsica
Dante en Corse sott’à a direzzione di Françoise Graziani à l’edizione Albiana
11 di marzu | Corsica
Cuncorsu di nuvelle Alleghjaci 2025 sin'à u 31 di maghju
11 di marzu | Corsica
Isabelle Latour : a rilazione di Pasquale Paoli cù e donne
6 di marzu | Merusaglia
Scuperta archeologica in Brancale (Monte)
28 di ferraghju | Monte
U cantu di i canti, le cantique des cantiques, traduttu da Norbert Paganelli à l’edizione Casa di Arena
25 di ferraghju | Corsica
U numeru 91 di a rivista Etudes Corses
29 di ghjennaghju | Corsica
U novu rumanzu bislingu di Philippa Santoni, L’ora di i tonti à l’edizione Omara
24 di ghjennaghju | Corsica