12 di nuvembre
Gymcorsu, u novu arnese numericu di L’Università di Corsica pè l’amparera di u corsu
L’Università di Corsica hà presentatu à Gymcorsu, u so novu arnese numericu pè l’amparera ludica è faciule di u corsu ma chì ùn rimpiazza micca l’insignamentu in presenziale. Un serviziu dispunibule nant’à Facebook, Instagram, i mutori di ricerca è u situ di l’università. In fatti, st’arnese esiste dapoi l’annu scorsu pè i studianti, ma i so rispunsevuli ùn si sò micca scurdati di a so prima vucazione: dà a pussibilità à tutt’ognunu d’amparà u corsu grazia à l’arnesi numerichi. Una duzina d’insignanti anu travagliatu nant’à u sviluppu pedagogicu cù i specialisti infurmatichi di l’università fundendusi nant’à u mudellu di Gymglish. St’ultimu hà mustratu e so capacità pè l’insignamentu di lingue digià prupostu à più di cinque milioni d’utilizadori dapoi a so creazione in u 2004. Oghje, apre e so porte à a lingua corsa. “Secondu e risposte è u livellu di ogni utilizadore, l’arnese adatta a lezzione vultendu nant’à e mancanze per esempiu” spieca Julien Angelini, maestru di cunferenze in scienze di l’infurmazione è di a cumunicazione.
Dopu à un’iscrizzione grazia à un indirizzu mail, u candidatu sceglie a varietà linguistica ch’ellu vole travaglià : pumuntincu o cismuntincu. Dopu, principia a lezziò è parechje dumande si facenu cù i QCM in leia cù arrigistramenti vucali o testi. Esercizii di cunghjucazione o di grammatica cumpletanu u corsu. Dopu à a validazione, u risultatu è e currezzione s’affaccanu quasi subitu pè megliu capì i so sbaglii. U publicu cuncernatu ùn hè micca u nuviziu ma u locutore passivu chì hà digià qualchì basa. 50 lezziò sò digià dispunibule è si scumpartenu nant’à dui livelli. E 25 prime pè a sessione Gymcorsu 1 chì dura sei mesi à u più. Assai menu pè i più forti. L’altra metà hè a sessione Gymcorsu 2 nant’à a listessa perioda. A a fine, l’utilizadore pò ottene un livellu B2 di certificazione in lingua corsa. Attenti, Gymcorsu 2 ùn dà certificazione. Ci vole à passà quantunque l’esame à l’università ma hè una bona preparazione. L’università travaglia digià nant’à Gymcorsu 3 cù un cuntenutu più apprufunditu. Gymcorsu hè dinù un serviziu paghente. Pè sei mesi d’amparera, costa 126 euri dopu duie lezziò gratisi. 220 euri pè un annu è i dui livelli. A struttura s’indirizza dinù à l’intraprese è istituzione bramose di furmà u so persunale. U scopu hè di parlà di più u corsu in a sucetà isulana è si face di più cù l’utilizazione di e nove tennulugie.
Cultura
Apertura di a cappella Santa Cristina : cunferenza di Monique Baladassari, pulifunie corse è sacre dumenica u 21 d'aprile à duie ore
19 d'aprile | Valle di Campuloru
Stazii “Natura è erburisazione” cù Francesca Desideri è Vincent Renoux
16 d'aprile | Ostriconi, Porri, San Petrone
Chjama à prugetti di a CDC : lingua corsa è natura sin'à u 15 di maghju
12 d'aprile | Corsica
Un affrescu memuriale trà storia è memoria in Cervioni
10 d'aprile | Cervioni
29u Cuncorsu di puesia corsa è gallurese Lungoni
9 d'aprile | Santa Teresa di Gallura
È u ventu... A nova racolta di puesie di Petru Leca, edizione Albiana
6 d'aprile | Corsica
Sartène, 1583. Une histoire corse di Guillaume Stalloni, edizione Scudo
19 di marzu | Corsica
A rivista Kyrn in l’emissione “Dans l’oeil de Kyrn”
19 di marzu | Corsica
I sicreti di u tempu, un escape game à u Museu Casa nativa di Pasquale Paoli in Merusaglia
29 di ferraghju | Merusaglia
Raconti IV In paesi Au village
22 di ferraghju | Corsica
U novu cuncorsu di a nuvella organisatu da l’associu Altaleghje
20 di ferraghju | Altaghjè
Premiu di i lettori di Corsica 2024 sin’à u 30 di ghjugnu
26 di ghjennaghju | Corsica
U prugettu d’iscrizzione di u chjam’è rispondi à u patrimoniu immateriale di l’UNESCO, purtatu da l’associ ADECEC è Voce
23 di ghjennaghju | Corsica è UNESCO