8 di dicembre
La meule du temps, gira a macina, primu rumanzu di Claude Baldassari
'La meule du temps' hè u primu rumanzu di u cerviunincu Claude Baldassari à l'edizione Baudelaire. Dopu à a scultura è a pittura, st'artistu autodidattu, amministradore di l'ADECEC, si prova à a litteratura è mostra ch'ellu hà dinù l'arte d'una bella penna. A macina di u tempu pesta e nostre vite, ùn ci pudemu nunda. Ogni tantu, un evenimentu esternu hà tombu esseri à u principiu di a so vita. Eccu ciò ch'ellu conta è analizeghja Claude Baldassari : l'impattu inghjustu è irreparabile di e guerra ; una pandemia chì, cum'è oghje, scunvoglie a libertà è strughje persone ; a scunniscenza di i danni psiculogichi liati à i secreti di famiglia ; l'azardu tragicu d'una malatia chì rompe a vita d'una mamma.
L'autore porta u so lettore ind'una storia famigliale - a soia -, ind'a Corsica da u XIXu secula à a nostra epuca, pè trasmette à a so figliola Anna Livia in st'opera di memoria. Conta è cummenta cusì, nant'à trè seculi, a Storia assuciata à u racontu famigliale. Cù una sensibilità estrema ind'un stile chjaru, Claude Baldassari descrive trè ritratti di donne inciaccati da un destinu spietatu. Impregnatu di a sorte di e donne, li cunsacreghja un capitulu, perchè, ogni tantu, si vindicheghjanu. Eccuci purtati ind'una narrazione senza cumpiacenza chì evulueghja trà passione è riflessione.
Cultura
Premiu di i lettori di Corsica pè José Carducci è Camille de Peretti
3 di lugliu | Corsica
In quelli anni di a brasgia, Pasquale Ottavi, edizione Albiana
2 di lugliu | Corsica
Hè esciutu u sestu Raconti in paesi-au village, Matina Latina, edizione Maïa
2 di maghju | Corsica
I Custodi di u castagnetu
25 d'aprile | Corsica
A chjama di Scola Corsa pè nove iscrizzione di zitelli
18 d'aprile | Corsica
L'appiecazione Strada Paolina : scopre a Castagniccia seguitendu i passi di Pasquale Paoli
10 d'aprile | Castagniccia
Pasquale Paoli : l'influenza mundiale d'un patriottu sapiente
8 d'aprile | Corsica è Mondu
Esciuta di u quintu numeru di a rivista Lumi
19 di marzu | Internet
Zonza : un prugettu pè a memoria di a Resistenza
13 di marzu | Zonza
Un prugettu di mostra nant’à a cunsulta di Caccia
13 di marzu | Corsica
Dante en Corse sott’à a direzzione di Françoise Graziani à l’edizione Albiana
11 di marzu | Corsica
Cuncorsu di nuvelle Alleghjaci 2025 sin'à u 31 di maghju
11 di marzu | Corsica
Isabelle Latour : a rilazione di Pasquale Paoli cù e donne
6 di marzu | Merusaglia
Scuperta archeologica in Brancale (Monte)
28 di ferraghju | Monte
U cantu di i canti, le cantique des cantiques, traduttu da Norbert Paganelli à l’edizione Casa di Arena
25 di ferraghju | Corsica
U numeru 91 di a rivista Etudes Corses
29 di ghjennaghju | Corsica
U novu rumanzu bislingu di Philippa Santoni, L’ora di i tonti à l’edizione Omara
24 di ghjennaghju | Corsica