31 di marzu
Novu dizziunariu tematicu d'Antonu Marielli
Antonu Marielli hà publicatu un novu dizziunariu tematicu à l’edizione Scudo, nant’à e tematiche di a donna, l’omu, a casa, a scola, a cucina. Un travagliu in u quadru di a ricerca di parolle aduprate da e persone anziane, e canzone, i lamenti, principiatu 35 anni fà cù i cuncerti è animazione di u gruppu Diana di L’Alba. 500 pagine chì serveranu di basa di travagliu à tanti elevi è prufessori chì volenu amparà o insignà u corsu. Ghjè a quarta opera di u creatore di u gruppu Diana di l’Alba in u 1978, prufessore di storia è di lingua corsa. Dopu “ E fole di Ziu Antonu”, “Buccate, scappate, detti è parolle scarse” induve si trova 7500 parolle è spressione francese tradutte in più di 20 000 parolle o spressione corse, seguitava u primu tomu di u so dizziunariu tematicu trattendu di i sfarenti elementi di u corpu umanu, di e malatie, di l’amore, a sessualità, i cinque sensi è i sintimi umani. Pè cumpletà stu dizziunariu, un terzu tomu hè previstu nanzu Natale.
Antonu Marielli, prufessore di storia è di lingua corsa, hè u famosu artistu, pueta, cantadore è sunadore (urganettu, ghitarra, fiati…) di Diana di l’Alba ch’ellu hà creatu in u 1978 cù e so duie squadre, quella di u principiu in l’anni settanta è quella di a generazione di u novanta. Fora d’issa passione, l’omu, di ceppu sartinese, hè arradicatu à a so lingua è a so cultura. Un percorsu chì l’hà purtatu d’una manera logica, à insegnà-piuttostu tramandà- a lingua corsa durante quaranta anni.
Da zitellu, hè sempre statu passiunatu da a parolla. « A parolla hè un segnu. U segnu hè a scrittura...Ziteddu, aghju sempri seguitatu à babbu. Era eletricistu. Tirava i fili è l’aiutava ogni vacanzi. Un mesi d’estati ! Vulia ch’eo amparessi un mistieru manuali. Ma u destinu n’hà decisu altrimenti... »
Zitellu, Antonu hè sempre à mezu à l’anziani è, sicura, ind’un bagnu linguisticu naturale ch’ellu si parlava, per a maiò parte, in corsu. Porta cun ellu, un picculu quaternu rossu è scrive parolle ch’ellu ùn cunnosce micca o chì sò perse. È cusì, u libracciolu, seguitatu da altri face a so strada accumpagnendu u prufessore – cantadore – durante anni è anni.
L’idea di publicà un dizziunariu hè ghjunta. « Una logica ch’eo vulia tramandà tuttu què. Fora di i mei, aghju fattu u giru di a Corsica, cù Diana di l’Alba o in tantu chè guida di muntagna, scuntrendu tanta ghjenti. Ci era sempri una parolla persa o ch’ùn cunniscia micca. Tandu, tuttu u mondu parlaia corsu. Aghju vulsutu dopu à un travaddonu, metta l’insemi à dispusizioni di a ghjenti. Trentacinqui anni di racolti !”
Una spezia d’enciclopedia cù un vucabulariu abbastanza precisu nantu à tutte e tematiche. « Hè un travaddu di monacu, ci hè vulsutu à fighjulà, fà i currezzioni, aghju travaddatu tutti i mani chè babbu dicia sempri : « a menti hè fresca ! ».Cultura
Cuncorsu Lingua Materna: rimessa di i premii
13 di maghju | Corti
D'isule nati, un libru cum'è rigalu di benvenuta
12 di maghju | Corsica
Hè esciutu u 43u numeru di a rivista Bonanova
10 di maghju | Corti
'Chjassi di parolle : intornu à a BDLC': parolle corse cuntate in fiure
7 di maghju | Corsica
13 di maghju: Notti di i musei à u museu di l'Alta Rocca
13 di maghju | Livia
Histoire(s) en Mai 2022
6 di maghju | Bastia
Sabbatu u 7 di maghju, Claude Baldassari dedicherà 'Gira a macina' in cunventu di Cervioni
4 di maghju | Cervioni
À l'ispensata, a nova racolta di puesie di Letizia Cosimi, ed. À Fior di Carta
29 d'aprile | Corsica
Furmazioni FURMÀNIMA di u cullittivu “PARLEMU CORSU !”
13 d'aprile | Corsica
A forza d'un tempu novu - La force d'un autre temps
15 di marzu | Corsica
Sestu cuncorsu Altaleghje in lingue corsa è francese
11 di marzu | Corsica
'Le médecin malgré lui' traduttu in corsu
25 di ferraghju | Corsica
Rencontre Association ORGUE EN FRANCE Samedi 12 mars à CERVIONE
24 di ferraghju | Cervioni
Stracci di mimoria, novu libru di Ceccè Lanfranchi
22 di ferraghju | Corsica
Turnà à leghje à 'Intricciate è cambiarine', di Pasquale Ottavi
9 di ferraghju | Corsica
Òmara, una casa d’edizione corsa
1u di ferraghju | Olmiccia