Nutiziale culturale

U numeru 12 di Storia Corsa

Stu novu numeru cunsacra un primu cartulare à l’antichità arcaica, soprattuttu a civilisazione etrusca. E so rilazione cù a nostra isula fermanu pocu cunnisciute da i cercadori è da u publicu. Eppuru, quì cum’è in altrò, u mondu etruscu passiuneghja, affascineghja per via di i misteri nant’à a so origine, a so scrittura, e caratteristiche di a so flotta, e rilazione trà e grande cità etrusche, è e mudalità di a so presenza in Corsica. Tante interrugazione chì anu incuragitu i rispunsevuli di a rivista à cuncoglie specialisti pè fà cunnosce e cunniscenze e più recente nant’à stu sugettu. U secondu cartulare ci presenta a cundizione di e donne durante cinque seculi di storia, da u 1348 à u 1848.

In quant’à e rubriche abituale, i “Mischji di storia (e)” ci feranu ciuttà in u bassu Medievu induve si parlerà di Ghjuvanni di a Grossa, primu cronacu isulanu è testimone privilegiatu di a Corsica di u XVu seculu, di a storia di l’intervenzione nant’à l’isula di e truppe imperiale austriacche trà aostu 1731 è ghjugnu 1733, dunque à principiu di e rivuluzione di Corsica chjamate “guerra di 40 anni” cuntata à parte da trascrizzione d’archivii nant’à sta campagna militare cunservati in Vienna. Avemu dinù cuntribuzione di i cunservadori di i musei di Bastia, di a Corsica è di l’associu “Sintinelle. E riserve curtinese agrottanu per esempiu numerose munete cugnate in Corsica à u XVIIIu seculu. Un cumplementu à u cartulare nant’à i 300 anni di a nascita di Pasquale Paoli publicatu in l’ondecesimu numeru di Storia Corsa. Dopu, a biugrafia di Paul-André Antonini serà l’occasione di riattivà a “Memoria di e diaspora”. U patrimoniu hè riprisentatu da l’impurtanza di u cunventu di Caccia durante a perioda paolista. Una mostra nant’à Napulione IV, u principe sminticatu. Infine, ci hè una rubrica nova : “I Bonaparte è a Corsica”.