Nutiziale culturale

U Quaternu ghjurnale, u primu librettu pè demucratisà l’usu di u corsu in e sale d’insignamentu

E stitutrice bislingue è prufessore di lingua corsa, Chjara Tafani è Ghjulia Beretta, anu creatu l’associu “A penna muderna” è a so struttura nant’à Instagram cù 1500 iscrizzione. In stu quadru, anu creatu dinù un documentu gratisi cuntenendu documenti in leia cù a lingua corsa pè i sculari da u CP à u CM2. D’altrò, pè risponde à un bisognu pedagogicu, à tempu pè l’elevi è l’insignanti, Chjara Tafani è Ghjulia Beretta anu rialisatu un novu arnese : U Quaternu Ghjurnale. Ghjè u primu librettu-calendariu sculare cuncepitu in lingua corsa fattu cù u mondu di l’edizione isulana è avendu infurmazione maestre nant’à a scola, u spartitempu, valutazione è prugrammi pedagogichi… L’arnese d’insignamentu pedagogicu hè obligatoriu pè i prufessori. 

L’idea hè di mantene una leia cù a lingua, à facilità u so parlà è adatalla à a mudernità. Grazia à u numericu, si trasmette a lingua è a cultura corsa à l’usu d’oghje in più di a carta. Avemu QR codici è i so lessichi nant’à parechje materie è duminii, rammmenti è spiecazione di e feste tradiziunale di u calendariu è pagine culturale. L’inseme rispettendu a diversità di u corsu. A tempu Chjara Tafani è Ghjulia Beretta speranu sustene u so insignamentu.