Nutiziale culturale

« Cartugrafie di a Corsica-Sguardu geograficu è metafura storica », cunferenza di Dominique Gresle à l’auditoriu di u museu di Bastia u 22 di ghjennaghju

L’associu « L’Amichi di u museu di Bastia » prupone una cunferenza di Dominique Gresle intitulata : « Cartugrafie di a Corsica -Sguardu geograficu è metafura storica » ghjovi u 22 di ghjennaghju à 6 ore à l’Auditoriu di u museu. A cunferenzera studieghja e riprisentazione cartugrafiche di a Corsica ind’una storia glubale di a cartugrafia è face un studiu geo-storicu di sta bella documentazione grafica prudutta à longu andà da u principiu di u XVIu seculu à a fine di u XIXu. Una presentazione arricchita cù un’iconografia preziosa imprestata à sfarente cullezzione. 

Dominique Gresle hè membra di a Scola di l’alti studii in scienze suciale di Parigi, diplumata d’antropolugia suciale è d’archeolugia, duttore in storia è civilisazione. Entrata gratisi.