Nutiziale culturale

1898, Matisse en Corse un pays merveilleux

U seghjornu di Matisse in Corsica in u 1898. Eccu u tema di a spusizione evenimentu di l'estate à u museu di a Corsica in Corti, organizata da a Cullettività di Corsica à parte da u 24 di lugliu, à 10 ore, è sin'à nuvembre. Pass sanitariu obligatoriu. In sei mesi, Matisse pinghje 55 opere, scopre u Sudu è u Mediterraniu, una luce scunnisciuta è culori, in particulare l'aranciu è u turchinu. Sta perioda fundatrice di l'artistu hè presentata pè a prima volta in Corsica cù numerose opere mustrate à u publicu.

A Cullettività di Corsica hà compru a pittura 'La mer en Corse, le Scoud' d'Henri Matisse (1869-1954), di l'annu 1898. L'acquistu di st'opera, avendu un interessu artisticu è simbolicu maiò pè a Corsica, hà cumpensatu l'assenza di st'artistu ind'e cullezzione publiche corse ma più glubalmente d'opere muderne.

U conturesu di a spusizione si trova in un libru à l'edizione Albiana.