L'enracinement - L'arradichera : Essai sur l'imaginaire polyphonique corse di Jean-Guy Talamoni, edizione Spondi

U percorsu universitariu è puliticu di Jean-Guy Talamoni s’intreccia à prò di a difesa di l’indipendenza culturale è intellettuale di a Corsica. Stu libru nant’à a manera d’esse corsu di l’autore si presenta cum’è un’autobiografia di u militante culturale è puliticu. L’opera si fonda nant’à duie parte. A prima hè una difesa di a cultura è di a specificità isulana contr’à e banalità è stereotippi chì cercanu à indebulilla. A seconda hè una sintesi nant’à a situazione pulitica di l’isula è a manera d’incarnà l’emancipazione pulitica di a Corsica. L’enracinement /L’arradichera hè capunanzu un assaghju nant’à l’imaginariu corsu. Un libru chì cerca à rispechjà « credenze, memorie, miti, illusione ». Tutti sti fundamenti di a particularità di a cumunità corsa. 

Avemu quì un ritornu nant’à i sfarenti impegni di Talamoni. Per esempiu, e pagine nant’à a “Giustificazione” di Salvini o quelle nant’à a “vindetta” ramentanu a so tesa nant’à “Litteratura è pulitica in Corsica”. U testu di Salvini hè da avvicinà à a dichjarazione di ghjuramentu di i naziunalisti dopu à a so elezzione à a Cullettività di Corsica in u 2015. A rivista Lumi diretta da Talamoni rimanda à u dirittu à a felicità è a laicità. U prugettu di “territoriu zeru disimpiegatu” o l’ideale di u rivenutu universale in quant’à a lotta pè a dignità umana. Avemu dinù u votu d’una muzione contr’à u razzismu è dinunziendu u fundamentalismu religiosu. Sti dui elementi toccanu a difesa d’una laicità aperta è rispettosa di i culti. Infine, l’ultimu capitulu nant’à a litteratura post-culuniale ramenta u prefaziu d’Albert Memmi u libru Ce que nous sommes di Jean-Guy Talamoni. Si tratta di l’ispirazione di e lotte contr’à a culunisazione durante u naziunalismu corsu di l’anni settanta è ottanta.