Nutiziale culturale

U terzu numeru di a rivista A Traversa

Creata in u 2023, sta rivista prupone unu o dui numeri à l’annu nant’à a Corsica è u Mediterraniu. Dopu dui cartulari nant’à a Grecia è a Turchia, u tema “Migrazione è Mediterraniu” hè à l’onore. Stu numeru cuntene trè parte : Insulaires, Dossier è Etudes. Ind’a prima parte, un articulu nant’à u Festivale Lektos di letture musicale è parechje paruzione culturale : « Annales méditerranéennes d’économie », « Isula Muntagna », « Robba » « I Vagabondi », « Litteratura », « Quì », « Lumi », « Storia »….  è nove riviste, frà elle « Spirla » (pè e lettere, Arti è idee) è « Drozo », (fascia figurativa è d’illustrazione).

A seconda parte hè cuntenuta in u « Dossier », scumpartutu in trè sezzione : Migrations et Méditerranée, Actualité des migrations è Aller plus loin. « U direttore di a rivista Christian Peri cunsidereghja chì u cartulare nant’à e Migrazione hè un'evidenza per via chì a squadra avia testi nant’à e riviste nate da l’esiliu. « Cusì, ste publicazione ci portanu ind’è i Corsi in l’imperu d’Indochine o d’Africa, in Parigi è nant’à u cuntinente cù e migrazione interne è e publicazione di i rifugiati cumunisti taliani trà e duie ultime guerre fughjendu u fascismu. 

In a rubrica « Aller plus loin », avemu belli testi è tele di Stéphanie Navarro, detta Tani Telas. E so tele sò un omagiu à e « Donne Med » cum’è Sofia, Tahra, Chiara, Noor, Marisa o Luiza. Sò accumpagnate da testi cumuventi, prufondi, forti nant’à e donne ogni tantu in rivolta. In l’ultima parte, un studiu di Michel Casta, « Corsi è culunie : Rete è riviste  ». Ci truvemu unepoche di riviste publicate da i Corsi chì campanu fora di l’isula in leia cù e migrazione. Infine l’artistu «A stampa cumunista taliana in Francia trà u 1921 è u 1939) » di Enrico Toniolo. A Traversa dispunibule in arrogu, libreria è nant’à u situ Internet https://www.atraversa.fr/.. 

A Traversa dispunibule in arrogu, libreria è nant’à u situ Internet https://www.atraversa.fr/.