Nutiziale culturale

Premiu Grossu Minutu pè Stefanu Gianecchini è Ghjuvan Carlu Marsily

A squadra di l’associu Grossu Minutu hà sceltu à Merusaglia pè a so assemblea generale è a rimessa di u so premiu di l’umurismu.  Una manera di participà à e cumemurazione pè i 300 anni di Paoli. Natu in Perelli d’Alisgiani, l’associu Grossu Minutu mantene vivu u ricordu di u stu persunagiu alisgianincu storicu, rinumatu pè e so cacciate. “Minutu sempre vivu” cum’elli dicenu. Hè presidatu da Lucille de la Piquelière è hà resu omagiu tutti à i so membri chì anu scumbattutu pè a memoria di u persunagiu. Per quessa, Dominique Groebner è i so disegni chì illustreghjanu l’opera “A storia di Grossu Minutu” à l’edizione Canopé, scrittu da Bernard Cesari.

 In u 2025, u premiu di l’umurismu hè statu attribuitu à l’animatore Jean-Charles Marsily pè u so bell’umore nant’à RCFM è Stefanu Gianecchini pè i so stalvatoghji cerviuninchi chì incantanu l’attellu di teatru in lingua corsa di l’ADECEC. Cusì, u spiritu corsu di Minutu hà francatu a bocca di Pratu sin’à Merusaglia induve u teatru cerviunincu s’hè messu in scena. Ci vole à sapè chì l’omu era stimatu da u generale Paoli pè a so stumachicchia è u so spiritu.