Nutiziale culturale

Mostra Tramuda à u museu di Filitosa di Suddacarò sin'à u 30 d'aostu

L’opera hè stata rialisata da trè artisti : Giovanni Paddeu, Ange Félix è Yann Castlan. Entre in u prugettu ' Pastori è Muntagnera-Bergers et Transhumance / Sintineddi di l'Arti-Gardiens des Arts '. Sò dodeci sculture in acciaiu corten chì riprisentanu bande chì si tramutanu pè un omagiu à e tradizione pasturale di Corsica è di Sardegna, è à a memoria di e cumunità muntagnole. L’acciaiu corten hè un materiale chì l’ossidazione naturale hè in armunia cù i culori di a terra, cambiendu cù u tempu, a luce è e stagione. Cù a so imaginazione, Giovanni Paddeu dà u so sguardu, a so manera di vede à a cumunità. A so creazione hè nata da un sgaurdu capace di leghje u paisaghju aldilà di ciò chì si vede. Passendu vicin’à a so Hostana, l’artistu ùn hà micca vistu solu petre, granitu è a machja mediterrania ma una presenza silenziosa d’animali chì si tramutanu. A forma geometrica è essenziale di u gruppu sculturale sprime una sensibilità cuntempuranea è rammenta e radiche prufonde di a Sardegna, u linguaghju di a scultura in leia cù e nuraghe sarde (torre difensive)

Cusì, hè una manera di mette in risaltu stu patrimoniu è di sustene e pascure in Pianu di Selva, nant’à a cumuna d’Arghjusta Muricciu. St’iniziative rammenta dinù l’impurtenza di a muntagnera, una pratica millenaria iscritta à u Patrimoniu culturale dapoi u 2019. In più, l’ONU hà dichjaratu chì l’annu 2026 hè l’annu internaziunale di i percorsi è di l’allevadori pasturali. A mostra Tramuda si trova à u museu di Filitosa in Suddacarò durante stu mese d’aostu. Dopu, e cità è paesi chì volenu accogliela devenu fassi cunnosce.