Nutiziale culturale

Evviva a libertà ! Spiega ! James Corsica Boswell L'ami écossais di Vannina Bernard-Leoni à l'edizione Albiana

James Boswell hà scontru un ghjornu Pasquale Paoli, u capimachja di i Corsi valurosi. St’ultimu hè un persunagiu misteriosu pè l’Europa sana. Hè u primu chì hà creatu un Statu ex nihilo è hà liberatu a so nazione da l’oppressione genuvese dopu à decennie di cumbatti.

Giurnalistu di guerra nanzu l’ora, Boswell hè l’autore d’un famosu racontu, “An account of Corsica” in u 1768, pè difende l’ideale di libertà purtatu da i Corsi, quandu a munarchia francese vole cunquistà u giovanu Statu corsu. L’omu fece dopu una carriera litteraria, cù in particulare u so rumanzu “Life of Samuel Johnson” (1791), chì fece di u so autore unu di i più famosi scrittori scuzzesi. Scunnisciutu è forse ancu sminticatu, st’amicu scuzzese di l’epuca di i Lumi hè quellu di tutti i difensori di e libertà. 

Spiega ! hè una “cullezzione” edituriale à tempu libru, rivista illustrata è libru ogettu. Via, un libracciolu ibridu è unicu. A so forma rimanda à un fogliu chì si spiega è à e rete suciale. Ogni libracciolu prupone un inventariu di e cunniscenze nant’à un sugettu è ne prulungheghja a lettura cù una messa in u cuntestu cuntempuraneu. U grafismu hè custruitu nant’à una’iconugrafia assai ricca, storica o cumandata à un artistu (disegnu, ritrattu, fascia figurativa, pittura…) In più, ognunu porta un “poster” originale.