Nutiziale culturale

L'appiecazione Strada Paolina : scopre a Castagniccia seguitendu i passi di Pasquale Paoli

Elementi di a ricchezza di a storia di a Corsica, avemu numerosi tesori patrimuniali prutetti da i Monumenti Storichi o ricensati da u serviziu di l’inventariu in architettura, mubiglia è u patrimoniu immateriale. Dapoi parechji anni, un travagliu impurtante permette di cunnosce megliu sta lascita. Numerose operazione di cunservazione è di risturazione sò state fatte da a Cullettività di Corsica è numerose cumune. I pruduttori è artigiani fabrichendu robba anziana sò pigliati in contu. Pè cunnosce megliu e ricchezze patrimuniale in leia cù Paoli, esiste l’appiecazione Strada Paolina.

À mezu à u parcorsu di sta Strada Paolina, u Museu casa nativa di Pasquale Paoli di Merusaglia schjarisce, per via di e so mostre timpuranie è u so parcorsu permanente, a custruzzione di u Statu democraticu corsu in l’Auropa di e munarchie assulute. Di fatti, Pasquale Paoli, autore di una di e prime custituzione muderne, hà sappiutu mette in opara, 50 anni nanzu à a Rivuluzione francese, l’idee filosofiche di l’illuminisimu, pruvuchendu l’ammirazione di l’umanisti di l’epica è offrendu 14 anni di libertà à u so populu.

A Strada Paolina hè un itinerariu pedagogicu è turisticu permettendu di mette in risaltu edifizii rimarchevuli. Cusì, si prupone una lettura storica, patrimuniale è à tempu valuriseghja u territoriu di a Castagniccia. In st’itinerariu, ci hè a presentazione di l’architettura, di i decori pinti, di a mubiglia, è d’un patrimoniu pocu pocu cunnisciutu. Sta visita s’accumpagna di a scuperta è di a messa in risaltu di l’artigianatu lucale è di i pruduttori di a regione in leia cù l'itinerariu paolinu. Dunque, lasciatevi puru guidà per scopre a Castagniccia seguitendu i passi di Pasquale Paoli. Pudite telecaricà A Strada Paolina nant’à l’App Store è Google Play.