4 di ghjennaghju
“Bastia chì storia !” documentariu di Petru Paulu de Casabianca
Petru Paulu de Casabianca, insignante à u cullegiu di Biguglia, hà scrittu è realizatu un documentu nant’à a cità di Bastia, dipoi a so fundazione à i ghjorni d’oghje. Ci offre una passarella trà i seculi, per una visione inedita di a storia di Bastia, cità unica in Corsica. Un documentariu in lingua corsa, di 52 minuti, intitulatu “Bastia chì storia !”. Grazia à ellu, s’ampara chì ùn hè micca una cità genuvese ma fundata pè u più da i Corsi, chì a chjesa di a Cuncezzione era a sede di u parlamentu di u reame di Corsica. In quant’à a chjesa Santa Croce, hè unica in Francia. Sappiate dinù chì a torra di u simbulu di Bastia ùn hè micca genuvese, chì ci era di più chjese barocche bastiacce chè in Roma à u 17u seculu. U filmu principia à a fine di u 14u seculu durante a fundazione di a cità è si compie à l’epuca attuale.
Stu documentariu porghje dunque infurmazione pè falla finita cù credenze false è altri rinsignamenti spessu scunnisciuti da i bastiacci elli stessi. L’opera prudutta da Dominique Tiberi serà diffusata da Télé Paese à principiu di l’annu cù a participazione di i storichi Antoine-Marie-Graziani, Jean-Marc Olivesi, Philippe Peretti, a guida cunferenzera Sylvie Casalta è l’architettu Sebastien Celeri. Cunteranu stalvatoghji chì anu fattu a cità. Per esempiu, Jean-Marc Olivesi evucheghja e rivalità trà i quartieri Terra Nova è Terra Vechja, trà u centru di a cità è i quartieri sudu, quella trà tutti i quartieri pè decurà e so chjese.
Cultura
Medialingua.corsica : una piattaforma in immersione à prò di a cultura
15 d'ottobre | Corsica
U quintu numeru di a seria Raconti: Paradis et après Paradisu eppò
9 d'ottobre | Corsica
A seria Pasquale Paoli di Corse-Matin
5 d'ottobre | Corsica
A nova prugrammazione di a Casa di e Lingue
14 di settembre | Bastia
Trè fole macagne per i zitelli, libru è spettaculu musicale di Daniel Vincensini, stamperia bastiaccia
14 di settembre | Corsica
U numeru 45 di Bonanova, a rivista di u Centru Culturale Universitariu
11 di settembre | Corti
U giurnalistu è scrittore Petru Leca premiu Musanostra di a litteratura corsa
30 di lugliu | Corsica
Esciuta di a quarta rivista Lumi
18 di lugliu | Corsica
Premiu di i lettori di Corsica 2024 : l'autori primiati
10 di lugliu | Corsica
A Casa Paoletti in Nucariu
28 di maghju | Nucariu
« Di petre è di sangue », u primu rumanzu bislingu di José Carducci à l’edizione Cavallucciu
22 di maghju | Corsica
Aux origines de la tête de maure, u novu libru di Michel Vergé-Franceschi, edizione Albiana
10 di maghju | Corsica
Stazii “Natura è erburisazione” cù Francesca Desideri è Vincent Renoux
16 d'aprile | Corsica
Un affrescu memuriale trà storia è memoria in Cervioni
10 d'aprile | Cervioni
È u ventu... A nova racolta di puesie di Petru Leca, edizione Albiana
6 d'aprile | Corsica
Sartène, 1583. Une histoire corse di Guillaume Stalloni, edizione Scudo
19 di marzu | Corsica