Nutiziale culturale

Chjama à prughjetti di a CDC : Leghje e cumedie 2023-2024

Pè u secondu annu cunsecutivu, a CDC manda sin’à u 30 d’aostu a so chjama à prugetti di spettaculi “Leghje e cumedie 2023-2024” pè favurisà a creazione è a diffusione di spettaculi vivi in lingua corsa in leia cù u premiu « Leghje Eleghje » 2023-2024. Una chjama in u quadru di a prumuzione di u teatru per i giovani in lingua corsa, u scontru cù a creazione isulana è i so artisti, a pussibilità pè i zitelli d’assiste à riprisentazione di spettaculu vivu in lochi di diffusione di u so territoriu.

U spettaculu serà ghjucatu in lingua corsa davant’à sculari da a materna à u CM2 ma micca più di 45 minuti. A chjama à candidature ghjova à dumandà à i prufessiunali isulani di travaglià nant’à adattazione/creazione in lingua corsa fundendusi nant’à libri selezziunati in u quadru di u premiu « Leghje Eleghje »

In quant’à u premiu di i giovani lettori di Corsica « Leghje Eleghje », hè statu creatu da e sezzione di giuventù di e Mediateche Cismonte è Pumonte pè scole materne è primarie. Cusì, libri pè i giovani in lingua corsa è francese sò rigalati à sculari è devenu vutà pè quelli ch’elli preferiscenu.

Pè avè altre infurmazione nant’à sta chjama, in particulare pè cunnosce i libri selezziunati pè diventà cumedie teatrale, fighjate u situ isula.corsica/culture