Nutiziale culturale

I Scontri di l'Associu Lingua è Cultura Corsa

Hè un associu creatu sei anni fà da Cathy Campana, anziana studiante di a filiera LCC à l’università. Dapoi settembre scorsu, organiseghja tutti i sabati à 4 ore i Scontri à u caffè di u centru in Bastia, 2 carrughju Miot. St’evenimentu settimanale mette à l’onore invitati cum’è Felì, u gruppu Eppo è tant’altri. L’occasione dinù di parlà u corsu cù discussione o cantu, di scuntrassi, d’arricchissi culturalmente. Parlà corsu deve fassi naturalmente senza criticà a manera di parlà. A rispunsevule Cathy Campana brama chì persone menu pratiche venghinu à parlà. Hè assai attiva in e rete suciale induv’ella mette l’attualità di l’associu. Attualità chì anu interessatu Michel Feltin-Palas, crunistu di a rivista L’Express è chì l’evucheghja  in a so cronaca “Sur le bout des langues”.  L’entrata à i scontri hè di rigalu.