Nutiziale culturale

Inaugurazione è presentazione di a rivista numerica LUMI

A rivista numerica LUMI 'Rivista di studii nantu à l'età di i Lumi è di e Rivoluzioni, è nantu a so pusterità' hè stata presentata è inaugurata u 15 di dicembre in Corti à a sala immersiva di l'UMR LISA, cù a participazione di u rispunsevule di prugettu Jean-Guy Talamoni. Stu prugettu di rivista entre in u filu scientificu tracciatu dapoi u 2014 à l’Università di Corsica in u quadru di u prugettu Paoli-Napulione ingiru à ste duie persunalità storiche, ma dinù i Lumi, e rivuluzione è e so pusterità sin’à a nostra epuca. U prugettu hà inghjennatu numerosi seminarii è cullocchii internaziunali cù parechje discipline (storia, storia di l’idee, di l’imaginariu, dirittu, litteratura, scienza pulitica, di gestione è u sviluppu terituriale).

L’ultima manifestazione impurtante hè stata una seria di cumunicazione in visiocunferenza cù specialisti di Napulione è cercadori di l’Università di Corsica in u 2021 grazia à una cullaburazione trà u laburatoriu LISA CNRS, l’Assemblea di Corsica è u « Souvenir Napoléonien », pè i 200 anni di a morte di l’imperatore.

Pè assicurà una diffusione larga è regulare di i travaglii à u publicu, a rivista numerica LUMI hè stata creata, in particulare per via chì e tematiche trattate (l’educazione, e forme di demucrazie o i republicanismi..) permettenu di fà a leia trà u 18u seculu è oghje. Cusì, l’ambizione di LUMI hè dinù d’evucà a nostra epuca è, perchè nò, traccià pruspettive pè e decennie à vene. A rivista pò esse cunsultata nant’à https://m3c.universita.corsica/lumi/ . U primu numeru hè cunsacratu à Napulione è a Corsica