Voce Nustrale

Nutiziale culturale

Corsica
9 di lugliu

L’aventure de la découverte géologique de la Corse

A scuperta geologica di a Corsica principia toccu l’Antichità, quandu ci vulia à cunnosce e risorse naturale ch’offrianu i territorii alluntanati da i centri di civilizazione è di cummerciu. Cuntinuendu sta ricerca « interessata », u XVIIu è soprattuttu u XVIIIu seculu cù i so numerosi spluradori più o menu missiunati cunfirmeghjanu è, ogni tantu, scoprenu unepoche di e ricchezze miniere e più interessante di l'isula. L’aventura geologica principia tandu pianu pianu ma piglierà prestu u so spiccu. 
 
A u XIXu è à u XXu seculi, difatti, parechji scientifichi facenu di a Corsica u so terrenu d'osservazione per via chi e « scienze di a Terra » si sviluppanu è e tenniche nove incuragiscenu à parechje scuperte inghjennendu tante teurie. Numerose persunalità di a geolugia scalanu in l'isula. Cusi, u sapè geologicu nant'à a Corsica hè fattu di sedimentazione longhe, di fusione, di rumpiture subitanie, d’emergenze nove… secondu cio chi si trova, l'accumulazione pertinente è l'interrugazione. Stu libru à l'edizione Albiana sott'à a direzzione di Philippe Rossi prupone di scopre i secreti di a Corsica, isula muntagna di Mediterraniu occidentale cum'elli funu palisati sin'à a nostra epuca. L'opera hè u segnu chi l'aventura si prusegue... passiunente.
 
L'autori : Philippe Rossi, Michel Durand-Delga, Odette Conchon, Michèle Ferrandini, Alain Gauthier, Marie-Dominique Loÿe-Pilot

Cultura

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza