Nutiziale culturale

Les grandes figures de la Corse di Robert Colonna d’Istria

Dapoi ch’elli racontanu a storia di a Corsica, crunistu è storichi si limitanu à u territoriu isulanu senza evucà u destinu di i Corsi avendu riesciutu luntanu da l’isula. Cusì, stu libru di Robert Colonna d’Istria, storicu è scrittore, vole riparà st’inghjustizia. Avemu quì Corsi diventati famosi in l’isula, ma dinù in Francia, in Europa, à e culunie è ancu in u mondu.

L’autore mostra chì, da u Medievu à a nostra epuca, sò stati numerosi à illustrassi in l’arme o in e lege, in tempu di guerra o di pace, ingiru à u putere, l’arti, l’industria. Anu mustratu a so imaginazione, ambizione è sapè fà. Fendu per elli, pè i soii, cuntribuendu à cunsulidà a pusizione di a so famiglia nant’à a terra di i so antenati, travagliendu ogni tantu pè l’umanità, anu ottenutu e più alte piazze in ogni duminiu.